მრავალშვილიან დედას 10 წლით თავისუფლების აღკვეთა მიუსაჯეს იმის გამო, რომ ოთხი შვილი - ორი წყვილი ტყუპები- ხანძრის შედეგად დაიღუპნენ.მას შვილები სახლში ჰყავდა ჩაკეტილი, რომელიც სავსე იყო ნაგვით და ფეკალიებით.

როდესაც დედა მეგობართან ერთად მაღაზიებში საყიდლებზე წასასვლელად ემზადებოდა, ქალმა ჩაუმქრალი სიგარეტი გადააგდო, რის შედეგადაც ცეცხლი გაჩნდა მაგრამ დაუდევრ დედას ეს არც შეუმჩნევია: საყიდლებზე წასასვლელად გამზადებული კარს უკვე გარედან კეტავდა.

ტრაგედია დატრიალდა ლონდონში. 30 წლის დევეკა როუზი საშინლად ეპყრობოდა შვილებს, წყვილ ტყუპებს- ოთხი წლის კეისონსა და ბრაისონს და სამი წლის ლეიტონსა და ლოგანს. ქალი დაშორდა ქმარს, რომელიც ბიჭების აღზრდაში არ მონაწილეობდა – თუმცა ახლა ის აცხადებს, რომ საშინლად დამწუხრებულია.

ბავშვები ცდილობდნენ თავის გადარჩენას და ყვიროდნენ "ხანძარი!" მეზობლებმა, რომლებმაც სახანძრო ბრიგადა გამოიძახეს, სცადეს შესასვლელი კარის შემტვრება, მაგრამ უშედეგოდ. როცა უკვე ბინაში შეაღწიეს ბავშვები საწოლების ქვეშ იპოვე შემძვრლები, ამ გზით ცდილობდნენ თავის გადარჩენას. ოთხივე ნამწვის შესუნთქვის შედეგად საავადმყოფოში გარდაიცვალა.

ბინა ნაგვით იყო სავსე, ამიტომ ხანძარი ძალიან სწრაფად გავრცელდა. შენობის დათვალიერების შემდეგ გამომძიებლებმა დაასკვნეს, რომ ტუალეტი და აბაზანა გამოუსადეგარი იყო დაგროვილი ნარჩენების გამო.ქალი "ტუალეტის" ნაცვლად ქოთნებს და სათლებს იყენებდა.

ბავშვები საბავშვო ბაღში ირიცხებოდნენ, მაგრამ ბოლო სამი კვირა ბაღში არ დადიოდნენ და არც არავინ დაინტერესებულა ბაღიდან გაერკვიათ რა იყო მიზეზი და საერთოდ, აბსოლუტურად არავის აინტერესებდა, რა ხდებოდა დევეკას სახლში.

ერთი ხანდაზმული მედდის გარდა, რომელმაც შეიტანა საჩივარი ბავშვების მიმართ არასათანადო მოპყრობის შესახებ. მაგრამ სოციალურმა სამსახურებმა ის არც კი განიხილეს.