ონლაინ გამოცემა NewsFrol-ი იტყობინება დისკის ფორმის ამოუცნობი მფრინავი ობიექტის შესახებ, რომელიც შენიშნეს სახალინის მთებზე. როგორც ჟურნალისტები წერენ, ამო-ს ამსახველი ვიდეო სოციალურ ქსელებში სულ ცოტა ხნის წინ გამოჩნდა და მყისიერად გავრცელდა. პუბლიკაციების ავტორები მიიჩნევენ, რომ ვიდეო გადაღებულია სამხედრო ვერტმფრენიდან.

"კადრებში ჩანს ლითონის დისკის ფორმის ობიექტი, რომელიც ნელა ლივლივებს მთის ქედის თავზე. მისი ზედაპირი მზეზე ბრწყინავს და მისი მასშტაბებიდან გამომდინარე, ის მნიშვნელოვნად აღემატება სტანდარტულ დრონს. რაღაც მომენტში ობიექტი იცვლის მიმართულებას და ქრება ღრუბლების მიღმა. ვიდეოს თან ახლავს ვერტმფრენებისთვის დამახასიათებელი ძრავის ხმაური, რაც, ავთენტურობის მომხრეების თქმით, ადასტურებს, რომ გადაღება განხორციელდა ნამდვილად სამხედრო ვერტმფრენიდან“, წერს გამოცემა.

როგორც მოსალოდნელი იყო, ინტერნეტმომხმარებლები ორ ბანაკად გაიყვნენ. ზოგი თვლის, რომ ჩანაწერი არამიწიერი ცივილიზაციის აქტივობის მტკიცებულებაა, ზოგი კი ვიდეოს ყალბს ან საიდუმლო სამხედრო ტექნოლოგიების გამოცდად მიიჩნევს.

სკეპტიკოსებს რამდენიმე არგუმენტი აქვთ, რომ ვიდეო ყალბია. ჯერ ერთი, ვიდეოს ხარისხი შორს არის თანამედროვე სამხედრო გადაღების სტანდარტებისაგან და თავად ამოუცნობი ობიექტის მანევრი, მათი აზრით, უფრო ჰგავს კომპიუტერულ გრაფიკას.

NewsFrol-ის ჟურნალისტებმა რუსეთის წამყვანი უფოლოგის სერგეი ჩისტიაკოვის კომენტარი ჩაწერეს. მისი თქმით, სრული ანალიზისთვის ორიგინალი მონაცემებია საჭირო.

- მსგავსი ვიდეოები ინტერნეტში რეგულარულად ჩნდება, მაგრამ მტკიცებულებების გარეშე ძნელია მათი გარჩევა ფალსიფიკაციისგან, - მიიჩნევს უფოლოგი.

მაგრამ სამხედრო ექსპერტები ამბობენ, რომ სამხრეთ სახალინი არის ახალი ტექნოლოგიების ტესტირების ზონა, როგორიცაა ექსპერიმენტული დრონი ან სადაზვერვო აეროსტატი. თუმცა, ოფიციალური დადასტურების ან უარყოფის გარეშე, რაც ვიდეოზეა გადაღებული, მხოლოდ ვარაუდებია შესაძლებელი.