ემორის უნივერსიტეტის მკვლევარებმა ჩაატარეს ახალი პრეპარატის, "ლენაკაპავირის" კლინიკური კვლევები, რომელიც მნიშვნელოვნად ზრდის აივ ინფექციის პრევენციის ეფექტურობას. ფარმაცევტული კომპანია Gilead Sciences-ის მიერ მხარდაჭერილი ნაშრომი და გამოქვეყნებულია New England Journal of Medicine-ში, აჩვენებს, რომ ვაქცინას შეუძლია ვირუსისგან დაუცველი, მოწყვლადი მოსახლეობის დაცვაც კი.

კლინიკურ კვლევაში მონაწილეობდა 3265 ადამიანი სხვადასხვა ქვეყნებიდან, მათ შორის შეერთებული შტატებიდან, სამხრეთ აფრიკიდან, მექსიკიდან, ბრაზილიიდან და ტაილანდიდან. მონაწილეები შემთხვევითობით დაიყვნენ ორ ჯგუფად: პირველი იღებდა "ლენაკაპავირის" ინექციებს ყოველ 26 კვირაში, მეორე ღებულობდა ანტირეტროვირუსულ პრეპარატს Truvada-ს ყოველდღიურად. 2, 179 ადამიანიდან, ვინც "ლენკაპავირი" მიიღო, მხოლოდ 2 დაინფიცირდა (ერთ პროცენტზე ნაკლები). მეორე ჯგუფში 1086 ადამიანიდან ცხრა (17 პროცენტი) დაინფიცირდა.

ვაქცინის ეფექტურობა 99 პროცენტია.

ცნობილია, რომ ბევრი ადამიანი წყვეტს ყოველდღიური აბების მიღებას ერთი წლის შემდეგ სოციალური და ეკონომიკური ფაქტორების გამო, თუმცა ანტირეტროვირუსული პრეპარატების ეფექტურობა დამოკიდებულია მკაცრად მის მიღებაზე .

"ლენაკაპავირის" მთავარი უპირატესობა ის არის, რომ მისი კანქვეშ შეყვანა შესაძლებელია წელიწადში მხოლოდ ორჯერ, რაც მნიშვნელოვნად ამარტივებს პრევენციის პროცესს.