ჰირასე აირი, 27 წლის იაპონელი ბლოგერია, რომელმაც დახარჯა დაახლოებით 24 მილიონი იენი (170, 000 აშშ დოლარი) პლასტიკურ ქირურგიაზე, რათა მთლიანად შეეცვალა გარეგნობა და ცხოვრება.

მისი ძველი ფოტოების ნახვის შემდეგ, ანუ სანამ ის პლასტიკური ქირურგიის გზას დაადგებოდა და ამჟამინდესლ თუ შეადარებთ, გეფიცებით, რომ ისინი ორი განსხვავებული გოგონა არის.

განსხვავება ღამესა და დღესავით არის და ახალგაზრდა ქალი აღიარებს, რომ ბოლო რამდენიმე წლის განმავლობაში შესრულებული სამუშაოს გარეშე, ის არ იქნებოდა ის, რაც ახლა არის.

გარდა იმისა, რომ ჰყავს ორ მილიონზე მეტი გულშემატკივარი სხვადასხვა სოციალური მედიის პლატფორმებზე, მას იწვევენ სატელევიზიო შოუებში და ასევე მუშაობს რინგ-გოგონად საბრძოლო ღონისძიებებზე.

ის ცხოვრობს იმ ცხოვრებით, რაზეც ყოველთვის ოცნებობდა და ეს ყველაფერი მისი მკვეთრი ფიზიკური ცვლილებების წყალობით. მან თავისი გამოცდილება კონტენტად აქცია, რის გამოც ბევრი ადამიანი ეხმიანება. ის ახლა კოსმეტიკური პროცედურების მომხრეა და ამბობს, რომ ცოცხალი მტკიცებულებაა იმისა, რომ ადამიანებს შეუძლიათ მთლიანად შეცვალონ ცხოვრება უკეთესობისკენ.

აირი ჰირასე თავის გადაწყვეტილებას ბავშვობაში ძალადობის შედეგად დატოვებულ ნაიარებს უკავშირებს, განსაკუთრებით დედის მხრიდან, რომელიც გამუდმებით აკრიტიკებდა მის გარეგნობას და ამტკიცებდა, რომ იგი მამას ჰგავდა, კაცს, რომელმაც დედას უღალატა და დიდი ვალები დაუტოვა. მისი თანატოლებიც დასცინოდნენ გოგონას და უწოდებდნენ მახინჯს და "საშინელ კაცს". ჰირასეს ისეთი არასრულფასოვნების კომპლექსი განუვითარდა, რომ სარკეებში ჩახედვისაც კი ეშინოდა და ტეხავდა კიდეც მათ.

თვითმკვლელობას სცადა, როდესაც ის საშუალო სკოლაში სწავლობდა, მაგრამ გადაარჩინა მეგობარმა, რომელმაც იგრძნო, რომ რაღაც რიგზე ვერ იყო.

ჰირასემ 15 წლის ასაკში გადაწყვიტა „გამხდარიყო ლამაზი“ და დაიწყო ნახევარ განაკვეთზე მუშაობა, ეხმარებოდა ადამიანებს გადაადგილებაში და 16 წლის ასაკში დაცვის თანამშრომელად მუშაობდა.

დედამისის სახლი მიატოვა და იაფად ერთოთახიანი ბინა იქირავა. ყველაზე დატვირთულ პერიოდებში ჰირასე ორ ნახევარ განაკვეთზე მუშაობდა და დღეში მხოლოდ ოთხი საათის დაძინებას ახერხებდა.

რვა წლის განმავლობაში მან დააგროვა დაახლოებით 10 მილიონი იენი ($70, 000) და ფული ჩადო დიდპლასტიკურ ქირურგიაში, რამაც იგი სრულიად განსხვავებულ ადამიანად აქცია. ჰირასემ განაცხადა, რომ მან "ეს ყველაფერი გააკეთა იმისთვის, რომ ეცხოვრა".

მას შემდეგ მან მნიშვნელოვანი აუდიტორია მოიპოვა სოციალურ მედიაში.გოგონა გამუდმებით აქვეყნებს მისი ტრანსფორმაციის ამსახველ ფოტოებს. როგორც თვითონ ამბობს, სულ კიდევ სულ მცირე 20 ოპერაცია ჩაიტარა სახესა და მკერდზე, რა დროსაც საბოლოოდ დახარჯა 24 მლნ. იენი. რამდენიმე თვის წინ ჰირასემ YouTube-ზე გამოაქვეყნა რამდენიმე ვიდეო მისი დრამატული ცვლილებების შესახებ და ხალხი შოკირებული დარჩა ამ სხვაობით.

ჰირასე აირის თვლის, რომ პლასტიკურმა ქირურგიამ მისი ცხოვრება 180 გრადუსით შეცვალა., ამ საკმაოდ მოკრძალებული სამუშაოთი დაიწყო და გადავიდა პოპულარულ სატელევიზიო შოუებზე, როგორიცაა Love Hyena და გამოიმუშავა მილიონობით ონლაინ მიმდევარი. მიუხედავად იმისა, რომ ზოგიერთი ადამიანი პლასტიკურ ქირურგიას ხაფანგად მიიჩნევს, ის იფიცებს, რომ ეს ნამდვილი ხსნაა.