ვარსკვლავები ყოველ ფეხის ნაბიჯზე უხერხულ სიტუაციებში ვარდებიან. შინაგანი სურვილი ყოველთვის და ყველგან იდეალურად გამოიყურებოდე მარტივი საქმე არ არის. დღეს, სწორედ იმ უხერხულ სიტუაციებს წარმოგიდგენთ, რომლებშიც მსოფლიო შოუ - ბიზნესის ცნობილი ქალბატონები აღმოჩნდნენ.

ჯენიფერ ლოპესი

პუერტორიკოელი ლამაზმანი მოულოდნელად ამოვარდნილი ქარის თავდასხმის ობიექტი გახდა, თუმცა სელებრითი მადლობა ღმერთს საცვლების გარეშე არ იყო. აი, სწორედ ეს გახლავთ "მფრინავი კაბების" ფარული ბოროტება, ვინაიდან კაცმა არ იცის როდის აღმოჩნდები გარშემომყოფების წინაშე დედიშობილა.

ჰოლზი

თამამი ჩაცმულობის მოყვარული ჰოლზი ღონისძიებაზე ყურადღების ცენტრში სწორედ თავისი "შიშველი" კაბის წყალობით აღმოჩნდა, თუმცა უნდა აღინიშნოს, რომ დიზაინერებმა კაბის ჭრილის სიღრმეს აშკარად გადააჭარბეს, ვინაიდან ის იმდენად ღრმა იყო რომ სიარულისას დამსწრე საზოგადოებამ სელებრითის საცვლების ფერიც კი იხილა.

პერის ჰილტონი

დროდადრო, როგორც ჩანს, პერისს ავიწყდება, რომ ტანგის ეპოქა წარსულს ჩაბარდა. ვარსკვლავის ერთგული თაყვანისმცემლების თქმით, ცოტა ხნის წინ, საზოგადოებაში გამოჩენილ პერისს მხოლოდ იმან უშველა, რომ მას საცვალი ეცვა, თუმცა იყო შემთხვევებიც, როდესაც ჟურნალისტებმა და პაპარაცებმა სელებრითი იმაზე უფრო დელიკატურ სიტუაციაში "გამოიჭრეს", ვიდრე ჩაფიქრებული იყო.

ჯერი ჰოლიუელი

პრესტიჟულ "BAFTA"-ს დაჯილდოების საღამოზე ჯგუფ "Spice Girls"-ის ყოფილი სოლისტი საზოგადოების წინაშე თვალისმომჭრელი, წითელი, მრავალფენიანი კაბით წარსდგა, თუმცა ვერავინ იფიქრებდა, რომ თავნება ქარი მომღერლის იმიჯს მოულოდნელად "პიკანტურ" აქცენტს შესძენდა.

ქლოი გრეის მორეცი

ქლოი გრეის მორეცი სამოსის არჩევისას ცნობილია თავისი თამამი მიდგომით ტანსაცმლის ზომების მიმართ. ერთ მშვენიერ დღესაც, მსახიობს ჩვევამ მწარედ უღალატა. შუა ავტოგრაფ - სესიის დროს ქლოის ტანზე მჭიდროდ მომდგარმა ბლუზამ მის ზედმეტ კილოგრამებს ვერ გაუძლო და ზედატანი მსახიობს მხართან გაერღვა, რაც რაღა თქმა უნდა, პაპარაცებს შეუმჩნეველი არ დარჩენიათ.