კეთილი იყოს თქვენი მობრძანება პლანეტის ყველაზე უღარიბესი ქვეყნის ზიმბაბვეს "ოქროს ახალგაზრდობის" სამყაროში, სანამ აფრიკის სამხრეთ ნაწილში მდებარე ამ სახელმწიფოს მოსახლეობის უმეტესობა მათხოვრულ და უპერსპექტივო ყოფას ჯერდება, ქვეყნის მდიდარი მემკვიდრეები თავს უარს არაფერზე ეუბნებიან და გაღატაკებული მოსახლეობის წინაშე თავს თვითმფრინავებით, იახტებით, ვერცხლის როლს - როისებითა და ოქროს რევოლვერებით იწონებენ. მათ ზიმბაბვეს მოსახლეობის ორი მესამედის მსგავსად არც პურის რიგში დგომა უწევთ და არც თვიდან თვემდე თავის გატანაზე ფიქრი უკარგავთ მოსვენებას, ისინი მსოფლიოში ყველაზე ძვირადღირებული მანქანებით გადაადგილდებიან, რამდენიმე ათას დოლარად შეფასებულ ალკოჰოლურ სასმელებს მიირთმევენ, საშოპინგოდ კერძო თვითმფრინავებით პარიზისა და დუბაის ელიტურ სავაჭრო ქსელებს სტუმრობენ და არც ექსკლუზიურ, ბრენდულ სამოსზე ამბობენ უარს, "გადატვირთული" დღის ბოლოს კი დროს სოციალური ქსელებისთვისაც პოულობენ, სადაც საკუთარი გამომწერების წინაშე თავიათი სიმდიდრის დემონსტრირებას ყოველგვარი უხერხულობის გარეშე ახდენენ.