შუქურები, ალბათ, ყველაზე თვალწარმტაცი ნაგებობებია. ეს არის მათი დანიშნულების ხარჯი: უნდა იდგნენ სანაპიროზე და შემაღლებულ ადგილზე. ასე არა მხოლოდ შესანიშნავად გამოიყურებიან, არამედ მეზღვაურების სიცოცხლესაც გადაარჩენენ.

შევარჩიეთ განსაკუთრებული შუქურების რამდენიმე ფოტო, რომლებიც გამოირჩევიან ფორმით, ზომით, მდებარეობით ან სხვა საინტერესო ნიუანსით.

„ჰერკულესის კოშკი“, ესპანეთი

რომაელების მიერ აშენებული თითქმის 2000 წლის წინანდელი შუქურა ყველაზე ძველია, რომელიც გამოიყენება.

პუდუჩერის შუქურა, ინდოეთი

თითქმის ყველა შუქურა შთამბეჭდავია ზემოდან ხედით შიგნით კიბეებზე, მაგრამ აქ ფერების გადაწყვეტაც საინტერესოა!

ტურლიტის შუქურა, ანდროს კუნძული, საბერძნეთი

1887 წელს აშენდა. ერთადერთი შუქურა საბერძნეთში, რომელიც პირდაპირ ზღვაშია აგებული. და ეს კიბე!

შუქურა პუნდა-დელ-იდალგო, კანარის კუნძულები

შუქურა თანამედროვედ გამოიყურება და შუქურასთვის ნამდვილად შედარებით ახლახან აშენდა - 1994 წელს.

შუქურა ჯიდაში, საუდის არაბეთი

ოფიციალურად ყველაზე მაღალი შუქურა მსოფლიოში. მისი სიმაღლე 133 მეტრია.

შუქურა რუბერგ კნუდე, დანია

გასაკვირია, რომ ეს შუქურა, რომელიც გარშემორტყმულია ქვიშის დიუნებით, რეალურად მდებარეობს დანიაში, ჩრდილოეთ ზღვის სანაპიროზე.

1900 წელს აშენდა. მოსალოდნელი იყო, რომ კოშკი 2023 წლისთვის ზღვაში ჩავარდებოდა, თუმცა 2019 წლის 14 აგვისტოს დაიწყო შუქურას გადატანაზე მუშაობა, ხოლო 22 ოქტომბერს შუქურა, რომელიც 23 მ სიმაღლისაა და 720 ტონას იწონის, 70 მეტრით ხმელეთისკენ გადაიტანეს. სპეციალისტების გათვლებით, ახლა სულ მცირე 2060 წლამდე გააგრძელებს არსებობას.

შუქურა ხანიაში, საბერძნეთი

შუქურა ქალაქიდან შემოღობილია გრძელი ბურჯით, როგორც მას ტრადიციულად ვენეციელები აშენებდნენ.

„დაბალი შუქურა“ ბერნჰემ-ონ-სიაში, ინგლისი

განსაკუთრებით ცნობილია თავისი ცხრა „ფეხით“.

შუქურა ტრიდრანგარი, ისლანდია

ერთ-ერთი ყველაზე შთამბეჭდავი შუქურა მსოფლიოში! მდებარეობს კლდეზე 34 მეტრის სიმაღლეზე. აშენდა 1939 წელს გამოცდილი მთამსვლელების მიერ, რომლებმაც კლდეზე მიცურეს და მწვერვალზე ავიდნენ. იქ მისვლა ახლა მხოლოდ ვერტმფრენით შესაძლებელია.

შუქურა კუნძულ მოუროზე, ესპანეთი

მისი მდებარეობის გამო ხშირად ემართება ის, რასაც მარჯვნივ ხედავთ ფოტოზე. შთამბეჭდავი მასალა ყველა სახის სოციალური ქსელისთვის.

უაიტფორდის შუქურა, უელსი

ეს თუჯის შუქურა აშენდა 1865 წელს და ამ ზომის ერთადერთი თუჯის კონსტრუქციაა ბრიტანეთში, ტალღებით გარემოცული. მოქცევის დროს ფეხით მისვლა შესაძლებელია.

2021 წელს ფოტოგრაფ სტივ ლიდიარდის (მარჯვნივ) ფოტომ გაიმარჯვა პრესტიჟულ ბრიტანულ ფოტოკონკურსში კატეგორიაში „საუკეთესო ისტორიული ფოტო“.

კიიფსაარეს დახრილი შუქურა, ესტონეთი

1933 წელს აშენდა ხმელეთზე, ნაპირიდან 100-150 მეტრში, მაგრამ დროთა განმავლობაში წყლით გარემოცული აღმოჩნდა და დაიხარა. ამჟამად ოფიციალურად მიტოვებულია.

შუქურა ჰატერასის კონცხზე, აშშ

ფერადი 64 მეტრიანი შუქურა ჩრდილოეთ კაროლინაში არის ყველაზე მაღალი შუქურა შეერთებულ შტატებში.

შუქურა მაინოტსი-ლედჯი, აშშ

ამ შუქურას პირველი ვერსია, რომელიც დამონტაჟდა 1850 წელს, ჩამოირეცხა სულ რაღაც წელიწადნახევრის შემდეგ. მეორე ცდაზე შუქურა წარმატებით დაამონტაჟეს და ხშირი შტორმების მიუხედავად დღემდე დგას.

გარდსკაგავიტის შუქურა, ისლანდია

ლამაზი მინიმალიზმით გამოირჩევა. გარდა ამისა, ისლანდიის ყველაზე მაღალი შუქურაა, თუ გავითვალისწინებთ კონსტრუქციის სიმაღლეს და არა მდებარეობს.

ჰენრის კონცხის ორი შუქურა, აშშ

აშკარაა, რომ ერთი მეორეზე ახალია. ერთმანეთს 100 წელი აშორებთ, მაგრამ „ახალი“ აშენდა არც ისე ცოტა ხნის წინ - 1881 წელს! ძველი კი 1972 წლიდან დგას და ამჟამად მუზეუმია.

ბონუსი: ალექსანდრიის შუქურას ნახატი - მსოფლიოს შვიდი საოცრებიდან ერთ-ერთი

საბოლოოდ განადგურდა 1480 წელს. უფრო დიდხანს გადარჩა მხოლოდ დიდი პირამიდები და ჰალიკარნასის მავზოლეუმი, რომელმაც დაკარგა ცნობადი გარეგნობა 1494 წელს.

ასევე დაგაინტერესებთ:

ევროპაში უძველესი რესტორანი პოლონეთში მდებარეობს და უკვე 700 წლისაა

მაშინ და ახლა: ცნობილი ღირსშესანიშნაობების ეს ფოტოები ბევრს გააკვირვებს

ნახევარმთვარის ტბა - ჩინეთის წარმოუდგენელი ოაზისი უდაბნოში

როგორ გამოიყურება ემპაირ სტეიტ ბილდინგის 103-ე სართული, კინოთეატრი თეთრ სახლში და კიდევ 7 საიდუმლო ადგილი, სადაც უცხო პირი ვერ მოხვდება

მიტოვებული ციხესიმაგრეების სილამაზე Jahz Design–ის ობიექტივში