გერმანელმა მეკარემ აღნიშნა, რომ მზადაა კარიერა MLS-ში გააგრძელოს.

„ველაპარაკე ბასტიან შვაინშტაიგერს, რომელიც იქ თამაშობდა. თუმცა, კარგად უნდა დავფიქრდე, რადგან ხშირად ისინი ხელოვნურ მოედანზე თამაშობენ, რაც მეკარისთვის იდეალური არ არის. „ბაიერნი“ ჩემთვის საუკეთესო ადგილია, მაგრამ არასოდეს უნდა თქვა არასოდეს. საუდის არაბეთში ან ყატარში კი არ გადავიდოდი“, - აღნიშნა ნოიერმა, რომელსაც „ბაიერნთან“ კონტრაქტი 2025 წელს ეწურება.

თუ ნოიერი „ბაიერნს “ დატოვებს, მისი შეცვლის მთავარი კანდიდატი მამარდაშვილი გახდება, რომელსაც „ვალენსია“ დაახლოებით 40 მილიონ ევროდ აფასებს.