გვიან ღამემდე საყვარელი სერიალის ყურება ნამდვილი სიამოვნებაა. ასეთ დასვენებაზე დროის დახარჯვა დასანანი სულაც არ არის. საყვარელი პერსონაჟების ყურება, სიხარული და თანაგრძნობა, წუხილი და აღტაცება ემოციური საქანელაა, რომელიც მოგვწონს.

იცით, რომ ბევრი პოპულარული სერიალი შესაძლოა არასოდეს გამოჩენილიყო ეკრანზე? არავის სჯეროდა პოპულარული შოუების სიუჟეტების, რეჟისორები და სცენარისტები განუწყვეტლივ უარს იღებდნენ დიდი სტუდიებიდან, ხოლო საპილოტე ეპიზოდებს უმოწყალოდ იწუნებდნენ.

გიამბობთ სერიალებზე, რომლებიც მხოლოდ ქაღალდზე დაწერილ იდეად დარჩენას ბეწვზე გადაურჩნენ.

კალმარის თამაში (2021 - ...)

ჰვან დონ ჰიოკი, სერიალის შემქმნელი, თითქმის 10 წელი ცდილობდა სცენარის გაყიდვას. საპროდიუსერო კომპანიებს, რომელთაც მიმართავდა, აცბუნებდათ სისასტიკის სიმრავლე და პროექტის დაბალი მიმზიდველობა კომერციული თვალსაზრისით.

ჰიოკს „კალმარის თამაშის“ იდეა ჯერ კიდევ 2008 წელს გაუჩნდა, როდესაც სერიოზული ფინანსური სირთულეები ჰქონდა. თავად ჰვან დონ ჰიოკი თვლის, რომ სერიალის პოტენციალი მხოლოდ პანდემიის წყალობით შენიშნეს. ამან საშუალება მისცა პროდიუსერებს პარალელები გაევლოთ გამოგონილ სიუჟეტსა და რეალურ თვითიზოლაციას შორის.

სასოწარკვეთილი დიასახლისები (2004 – 2012)

დისტრიბუტორები სერიალს სკეპტიკურად უყურებდნენ. „დიასახლისების“ ჩვენება არ სურდათ. თვლიდნენ, რომ მაყურებელს არ ენდომებოდა შუახნის გმირების ყურება. თუმცა სატელევიზიო არხმა ABC გარისკა შოუს ჩვენება და საპირისპირო დარწმუნებით დაამტკიცა.

მძიმე დანაშაული (2008 – 2013)

პროდიუსერებს სერიალის სიუჟეტი თავისი გულახდილობით აშინებდათ. სერიალი წარუდგინეს FX-ს და HBO-ს, მაგრამ ორივე სტუდიამ თამამი იდეის განხორციელებაზე უარი თქვა. აი, Sony Pictures Television-მა გაბედა ექსპერიმენტი და იდეა წარმატებით განახორციელა.

მეგობრები (1994 – 2004)

ძნელი წარმოსადგენია, მაგრამ სერიალი „მეგობრები“ შესაძლოა არასოდეს გამოჩენილიყო ეკრანებზე. საქმე იმაშია, რომ საპილოტე ეპიზოდების ჩვენებამ მაყურებელ-გამომცდელებს შორის ძალიან სუსტი შედეგი მიიღო. სიუჟეტმა და იუმორმა ცუდი რეიტინგი მიიღო და CBS ფართო აუდიტორიისთვის სიტკომის გაუქმებაზე დაფიქრდა. და მაინც, სერიალი ეთერში გავიდა და რეალური მაყურებლისგან სრულიად განსხვავებული, აღფრთოვანებული შეფასებები მიიღო.

ლაზიერის გამბიტი (2020)

ამავე სახელწოდების რომანის ადაპტაცია მინისერიალის შემქმნელ სკოტ ფრენკს თითქმის შეუძლებელი ეჩვენებოდა. 30 წლის განმავლობაში რამდენჯერმე გადაწერა სცენარი და მიმართა სხვადასხვა სტუდიას. ხშირად სცენარისტი უარს იღებდა, რადგან დაგეგმილი იყო მხოლოდ მინი სერიალი, გაგრძელების გარეშე. პროექტის პოტენციალი მხოლოდ Netflix-მა შენიშნა, რომელმაც იდეა 2019 წელს იყიდა.

სამეფო კარის თამაშები (2011 – 2019)

იმის მიუხედავად, რომ „სამეფო კარის თამაშები“ ყველა დროის ერთ-ერთი ყველაზე წარმატებული სერიალია, მისი საპილოტე ეპიზოდი იმდენად მოუხეშავი აღმოჩნდა, რომ პროექტი ლამის გაუქმდა. საპილოტე ეპიზოდს თითქმის მთელი თვის განმავლობაში იღებდნენ, მაგრამ მისი ნახვის შემდეგ HBO-მ მიიღო განაჩენი: „შეუძლებელია რამის გაგება“.

მაშინ სერიალის შემქმნელებმა საპილოტე ვერსიის 90% თავიდან გადაიღეს და მსახიობები შეცვალეს (მსახიობებში გამოჩნდა ემილია კლარკი და მიშელ ფეირლი). მხოლოდ ამის შემდეგ გადაწყვიტეს გადაღებების გაგრძელება და „სამეფო“ მაინც გამოჩნდა HBO-ზე.

უცნაური ამბები (2016 - ...)

ძმებმა დაფერებმა 20 უარი მიიღეს სხვადასხვა სტუდიისგან, სანამ მათ იდეას Netflix შეამჩნევდა. პროექტი არ იწვევდა ნდობას უჩვეულო გარემოში ახალგაზრდა გმირების გამო. ალბათ, ისინი, რომლებმაც ორიგინალური სცენარის გადაღებაზე უარი თქვეს, ახლა სერიოზულად ნანობენ. „უცნაური ამბები“ ერთ-ერთი ყველაზე წარმატებული სერიალია Netflix-ის ისტორიაში.

დანაშაულის ადგილი: ლას ვეგასი (2000 – 2015)

ABC-მ უარი თქვა სერიალის გადაღებაზე და გადაწყვეტილება გაამართლა იმით, რომ კონცეფცია მაყურებლისთვის რთული და დამაბნეველია. მაგრამ CBS-მა იდეას ხელი მოკიდა. სერიალის წარმატება ადასტურებს, რომ მაყურებლის დაუფასებლობა ცუდი იდეაა.

მოსიარულე მკვდრები (2010 – 2022)

სერიალის ეთერიდან მოხსნა სურდათ, რადგან მასში დიდი დოზით იყო ძალადობა. თუმცა ეს არ მოხდა და სერიალმა მიიღო 11 სეზონი და რამდენიმე სპინოფი.

დიდი აფეთქების თეორია (2007 – 2019)

„დიდი აფეთქების თეორია“ ეკრანზე შესაძლოა არასოდეს გამოჩენილიყო, რადგან მისი საპილოტე ეპიზოდი ჩავარდა. მასში თანამედროვე მაყურებლისთვის ნაცნობი სახეებიდან მხოლოდ შელდონი და ლეონარდი იყვნენ. ასევე საპილოტე ეპიზოდში იყო 2 გმირი - ჰილდა და კეტი. ეს უკანასკნელი პენის ჰგავდა, მაგრამ აგრესიული და სარკასტული იყო. ფოკუს ჯგუფმა, რომელმაც საპილოტე ეპიზოდს უყურა, გააკრიტიკა ნანახი, მხოლოდ ლეონარდი და შელდონი აღნიშნა, ხოლო ქალი გმირები საერთოდ არ მოეწონა.

CBS სერიალის გადაღებების შეჩერების ან მთლიანად გაუქმების ზღვარზე იყო, თუმცა შოუს შემქმნელმა, ჩაკ ლორემ სერიოზულად იმუშავა სიუჟეტზე და კასტინგზე, რის შემდეგაც სერიალი საბოლოოდ გამოვიდა.

ასევე დაგაინტერესებთ:

14 ფილმი, რომელთა შექმნისთვის ფული დაზოგეს, მაგრამ მათ ნამდვილი ფურორი მოახდინეს

11 ყველაზე გულახდილი სერიალი

12 თურქული სერიალი, რომლებიც ჰოლივუდში არ გადაუღიათ, მაგრამ არაფრით ჩამოუვარდება "სამეფო კარის თამაშებს"

15 საუკეთესო დასრულებული სერიალი IGN-ის მიხედვით, სადაც ბევრი სიურპრიზია

სტივენ კინგმა დაასახელა თავისი საყვარელი სერიალი და ის ჰორორის ჟანრში არაა