საშინელებათა ფილმების ერთ-ერთი მთავარი მახასიათებელია შიშის, შფოთვის და რაღაც გარდაუვალის მოლოდინის შემდგომი გემო. მსგავსი გრძნობები შეიძლება გამოიწვიონ არა მხოლოდ ადამიანებმა ან არსებებმა, რომლებიც ამბავში ანტაგონისტების როლს ასრულებენ, არამედ სახლებმაც.

როგორც წესი, სწორედ ძველი სასახლე, მიტოვებული სახლი ან საშინელი ქოხი არის კოშმარის სიმბოლო, რომელიც მაყურებელში იწვევს ნერვიულობას და ერთი-ორი ღამე ძილს აკარგვინებს. საშიში სახლები საშინელებათა ფილმებში ნამდვილი ესთეტიკაა, რომელიც მომგებიანად გამოარჩევს ამ ნამუშევრებს სხვა ტიპის საშინელებათა ფილმებისგან. აქ მოცემულია 10 საკულტო ფილმი, რომელთა სიუჟეტშიც სახლები განსაკუთრებულ როლს თამაშობენ.

ნათება (1980)

ჯეკ ტორენსი გადაწყვეტს პროფესიის შეცვლას და „ოვერლუკის“ მდიდრულ სასტუმროში დარაჯად მუშაობის დაწყებას. მენეჯერისგან იგებს საშინელ ამბავს მისი წინამორბედის შესახებ, რომელმაც სასტიკად მოკლა ოჯახი და შემდეგ თავი მოიკლა. ჯეკი მშვიდად იღებს ამბავს და დამსაქმებლებს არწმუნებს, რომ სამუშაო მისთვის შესაფერისია. ტორენსები სასტუმროში სეზონის დახურვისთვის ჩადიან. ცოტა ხანში ჯეკის ქცევა მკვეთრად შეიცვლება. მასზე ზემოქმედებას იწყებს სასტუმრო, რომელშიც რაღაც მისტიკური ძალა იღვიძებს.

ალისფერი პიკი (2015)

ედით კუშინგი ამერიკელი ბიზნესმენის ქალიშვილია. მალე ცოლად გაჰყვება ინგლისელ არისტოკრატს თომას შარმს, რომელმაც თავის საგვარეულო სასახლეში წაიყვანა. ედითს წარმოდგენაც არ აქვს, რა საშინელ საიდუმლოს მალავს შარმის სახლი.

სახლი, რომელიც ჯეკმა ააშენა (2018)

სერიული მკვლელის, სახელად ჯეკის ისტორია, რომელმაც საკუთარ თავს დაუსვა უცნაური მიზანი - აქციოს თავისი მსხვერპლების ცხედრები ხელოვნების ნამდვილ ნიმუშებად.

რეინკარნაცია (2018)

დედის გარდაცვალების შემდეგ ენის სახლში რაღაც აუხსნელი და უცნაური ხდება. ქალი იწყებს ოჯახის საიდუმლოებების შესწავლას, რომელსაც მშობელი მთელი ცხოვრების მანძილზე მალავდა.

დაწყევლილი სახლი (2018)

საიმონი 12 წლის ვაჟთან ერთად ვერმონტში გადავიდა. მათი ახალი სახლი არის ძველი და საკმაოდ შემზარავი აგარაკი, რომელიც საჭიროებს სასწრაფო რემონტს. მამა-შვილი მალე იგებს, რომ ის ადრე ჯადოქარს ეკუთვნოდა.

სხვები (2001)

გრეის სტიუარტი ვაჟსა და ქალიშვილზე ზრუნავს, სანამ მისი ქმარი ფრონტზე იბრძვის. ერთ დღესაც ყველა მსახური უჩინარდება სახლიდან. ამ დროს ბავშვები იწყებენ მოჩვენებების დანახვას, დედა კი გრძნობს, რომ თანდათან გიჟდება.

მოჩვენებები (1963)

პარანორმალური მოვლენების გამომძიებელთა ჯგუფი გადაწყვეტს გამოიკვლიოს ძველი სახლი ინგლისში, რომელიც ცნობილია უსიამოვნო წარსულით.

ჩვენ ჯერ კიდევ აქ ვართ (2015)

ცოლ-ქმარი ანა და პოლი ერთადერთი ვაჟის დაკრძალვის შემდეგ ცხოვრების ნულიდან დაწყებას გადაწყვეტენ. საცხოვრებლად გადადიან ძველ სახლში უცნობი წარსულით. მალე ანა ვიღაცის უხილავი ყოფნის შეგრძნებას იწყებს.

ქოხი ტყეში (2011)

სტუდენტების ჯგუფი მიდის ტყეში ქოხში დასასვენებლად და გასართობად. თუმცა სიცოცხლისთვის ბრძოლა უწევთ. მთავარი მოვლენები მას შემდეგ ვითარდება, რაც შენობის სარდაფში ძველ წიგნს იპოვიან. მომავალში ბიჭებს მოუწევთ გაარკვიონ, რომ ქოხი ჩვეულებრივი სახლი არ არის, არამედ უძველესი და ძალიან საშიში საიდუმლოს ნაწილი.

საშინელი სახლის ლეგენდა (1973)

მეცნიერთა ჯგუფი მიდის სასახლეში, სადაც ცნობილი მანიაკი ბელასკო ცხოვრობდა. ლეგენდის თანახმად, მსხვერპლს იტყუებდა და სასტიკად ექცეოდა. გამოძიების დაწყებისთანავე პარანორმალური აქტივობა მკვეთრად იზრდება, რაც იმაზე მიუთითებს, რომ ბოროტება აქედან არ გამქრალა.

ასევე დაგაინტერესებთ:

გამოიძახეთ ეგზორცისტი: 13 საშინელებათა ფილმი, რომლის ყურებაც ჯვრის და ნაკურთხი წყლის მომარაგების სურვილს გაგიჩენთ

ექსპერტებმა ჩვენი დროის ყველაზე საშინელი ფილმები აარჩიეს. სიბნელეში არ უყუროთ

10 საშინელებათა ფილმი მათთვის, ვისაც წონის დაკლება სურს

10+ კინოშედევრი საღამოს საყურებლად, რომლის არჩევანშიც არ შეცდებით

10 ფსიქოლოგიური ფილმი, სადაც ჩაკეტილ სივრცეში ნამდვილი საშინელება ხდება