x
image
რუსუდან ნადირაშვილი
„მჯეროდა, მთებს გადავდგამდი, ვერაფერი მომერეოდა, შეყვარებული არ მაწყენინებდა, ყველაფერს ავაწყობდი…“ – ხათუნა სამნიძე

image

.

ოპოზიციონერი დეპუტატი ხათუნა სამნიძე, რომელიც ამ ეტაპზე ქიმიოთერაპიის პროცესს გადის, საკუთარ ფეისბუკგვერდზე პოსტს აქვეყნებს და სკოლის დამთავრების პერიოდს იხსენებს.

ამ პოსტით ხათუნა სამნიძე სკოლის მოსწავლეების ბოლო ზარის დღეს ულოცავს:


.

„ბოლო ზარის ლამაზმა ფოტოებმა გამახსენა…

ეს ჩემი ოთხმოცდაათიანების სკოლის დამთავრებაა

.

მჯეროდა, მთებს გადავდგამდი, ვერაფერი მომერეოდა, შეყვარებული არასდროს მაწყენინებდა, ყველაფერს ავაწყობდი, მიზანს მივაღწევდი, ყველაფერს..

არა, რაღაცები კარგად გადავდგი-გადმოვდგი, აღმართზე სიარულიც ვისწავლე:)) მაგრამ იმდროინდელი თავდაჯერება და სილაღე რა მაგარია.

.

მერე მიზნებსაც რაღაც ემართება, დინებაზე მიყოლა ჩვეულებრივი რამ ხდება, ბარიერის წინ შეყოვნებაც გიწევს და შიშებიც იცოცხლე, ისეთი ბევრი და მრავალფეროვანია.

ჰოდა, მინდა ჩვენი მაგარი გოგოები და ბიჭები, დღეს რომ ხელმოწერებით აჭრელებულები გულს გვიხარებენ, სულ ასე ლაღები, მაგრები, მიზანდასახულები, ძლიერები და რწმენით სავსენი იყვნენ მერეც, სულ!

ჩვენც, ჩვენც, ისეთი დრო გამოვიარეთ, სულ უნდა გვქონდეს თვითრწმენა და ცხოვრების სიყვარული

სხვანაირად არ შეიძლება. Life is beautiful:)“, – წერს ხათუნა სამნიძე.

.

შეგახსენებთ, რამდენიმე კვირის წინ ხათუნა სამნიძემ განაცხადა რომ ჯანმრთელობის პრობლემები აქვს, რის გამოც პოლიტიკურ პროცესებში აქტიურ მონაწილეობას ვეღარ ახერხებს. მისი განმარტებით, დეპუტატი პერიოდულად სამედიცინო დაწესებლებებში იმყოფება, სადაც ქიმიოთერაპიის კურსს იტარებს.

0
233
შეფასება არ არის
ავტორი:რუსუდან ნადირაშვილი
რუსუდან ნადირაშვილი
233
  
კომენტარები არ არის, დაწერეთ პირველი კომენტარი
0 1 0