ვიეტნამის ომის დროს ქვეყანაში ამერიკელი სამხედრო მოსამსახურეებისთვის მთელი სექს - ინდუსტრია არსებობდა. ქვეყანა მძიმე ეკონომიკურ კრიზისში იყო და ვიეტნამელ ქალებს სხვა გზა არ რჩებოდათ, გარდა იმისა რომ მტრის ჯარისკაცები ესიამოვნებიათ, მაგრამ ყველა მათგანი ასე როდი იქცეოდა, თუმცა ბევრი ქალი სიკვდილს სწორედ საკუთარი სხეულის გაყიდვით გადაურჩა. "ღამის პეპლები" ძირითადად, იმ ბარებში იკრიბებოდნენ, სადაც ამერიკელები დროს ატარებდნენ. ომის შემდეგ, სამყაროს ამერიკელ-ვიეტნამური წარმოშობის დაახლოებით 50 ათასი ბავშვი მოევლინა, რომლებსაც დღეს ვიეტნამში დამცინავად - "ცხოვრების ჭუჭყს" უწოდებენ.

ბევრი ვიეტნამელი ქალი პროსტიტუციაში საკუთარი ნების საწინააღმდეგოდ, იძულებით იქნა ჩაბმული. მათი უმრავლესობა სხეულის ვაჭრობით გამომუშავებულ ფულს პრაქტიკულად ვერც კი ხედავდა, ვინაიდან ის სუტენიორს ან იმ ბარის მეპატრონეს მიჰქონდა, სადაც ამერიკელი ჯარისკაცები იკრიბებოდნენ. ზოგჯერ ქალებს სილიკონის ინექციებსაც კი უკეთებდნენ, რათა მათ სხეულს სასურველი ფორმები მიეღო და ამერიკელებს აზიელი ქალბატონების გარემოცვაში თავი "როგორც სახლში" ისე ეგრძნოთ. პორტალმა "Vintage Everyday"- იმ ფოტოების სერია გამოაქვეყნა, სადაც ბარში მომუშავე გოგონები ჩვეულ გარემოში არიან აღბეჭდილი.