დაშორება ყოველთვის რთულია. თუ მსგავს სიტუაციაში აღმოჩნდით, ალბათ დაფიქრებულხართ, როგორ აიძულოთ ყოფილ პარტნიორს თავისი შეცდომის გაცნობიერება. შესაძლოა გსურთ მისი დაბრუნება ან გინდათ ნახოთ, რომ ოდნავ მაინც იტანჯება. ეს გრძნობები გასაგებია.

გაცნობის საიტის გამოკითხვამ აჩვენა, რომ 1400 მამაკაციდან 76 %–ზე მეტი ნანობს პარტნიორთან დაშორებას მომდევნო რამდენიმე თვე, ხოლო 73 % ყოფილ პარტნიორს დაუბრუნდება, თუ ამის შესაძლებლობა მიეცემა.

დაშორების შემდეგ სინანული საკმაოდ გავრცელებული გრძნობაა და ყოფილმა პარტნიორმა თავისი გადაწყვეტილება შეიძლება ინანოს. მაგრამ არ დაგავიწყდეთ: თუ ვინმე გენატრებათ, ეს დაბრუნების მიზეზი არ არის. დაშორდით, რადგან იყო მიზეზები და ეს მიზეზები არ გამქრალა.

როგორ მოვანატროთ თავი ყოფილ პარტნიორს და ვაიძულოთ ინანოს თავისი ქმედება

აქ მოცემულია რამდენიმე რჩევა, თუ როგორ აიძულოს ყოფილ პარტნიორს ინანოს დაშორება. ასე გახდებით უფრო ძლიერი და თავდაჯერებული, მოემზადებით ჯანსაღი ურთიერთობისთვის, იქნება ეს ყოფილთან თუ ვინმე ახალთან.

1. დროებით გაქრით

დროებით გაქრით ყოფილის თვალთახედვიდან, შექმენით საიდუმლო აურა თქვენს გარშემო. ეს არ ნიშნავს უკვალოდ გაქრობას. ურთიერთობაში პაუზა აიღეთ, რომ მამაკაცმა დაიწყოს ფიქრი, რა ხდება თქვენს ცხოვრებაში მის გარეშე.

ეს დრო გამოიყენეთ საკუთარ თავზე სამუშაოდ და გარდაქმნისთვის, რაც თქვენს ყოფილს აიძულებს ინანოს თქვენი დაკარგვა. იქნებ, ამან ურთიერთობის გაუმჯობესებისკენ უბიძგოს.

2. მიეცით ის, რაც სურს

თუ სურს დაშორება, დაშორდით ზედმეტი დრამისა და გადარწმუნების გარეშე. აჩვენეთ თქვენი ძალა და ღირსება, მისი არჩევანის მიღებით. აჩვენეთ თქვენი თავდაჯერებულობა, აგრძნობინებთ თქვენს გარეშე ცხოვრების რეალობა. ზოგჯერ ადამიანი მხოლოდ დაკარგვის შემდეგ აცნობიერებს დაკარგულის მნიშვნელობას. იქნებ ამ საქციელმა გადაწყვეტილების გადახედვა აიძულოს.

3. შეახსენეთ თავი სოციალურ ქსელებში

დაშორებისას ყოფილთან მინიმალური კომუნიკაცია სწორი გადაწყვეტილებაა. არის ერთი ნიუანსი. თუ ყოფილის თვალთახედვიდან სრულად გაქრებით, სწრაფად შეიძლება დაგივიწყოთ.

თუ გჭირდებათ, რომ მან იცოდეს თქვენს ცხოვრებაში მომხდარი ცვლილებების შესახებ, არ წაშალოთ მეგობრებიდან სოციალურ მედიაში, რადგან ეს არის ახალი ამბების გავრცელების ყველაზე სწრაფი გზა.

აჩვენეთ, რამდენად სრულფასოვნად და საინტერესოდ ცხოვრობთ ახლა. გააზიარეთ სიხარულის და მიღწევების მომენტები, მაგრამ გააკეთეთ ეს დახვეწილად და გემოვნებით, განშორების მინიშნებების გარეშე.

4. დაიცავით წესი "არანაირი კონტაქტი"

ეს აუცილებელია თქვენი მიზნების მიუხედავად. არანაირი ზარი, შეტყობინება ან "შემთხვევითი" შეხვედრა. დიახ, ეს ნიშნავს უარს მისი სოციალური ქსელების ჯაშუშობაზე.

დისტანციის დაცვა დაეხმარება ყოფილ პარტნიორს იგრძნოს თქვენი არყოფნა მის ცხოვრებაში. დააფიქრებას, გააკეთა თუ არა სწორი არჩევანი, როცა მიგატოვათ. დაე, იმკითხაოს და დაინტერესდეს, როგორ უმკლავდებით. არ წაშალოთ და არ დაბლოკოთ, ეს თქვენს გეგმებს ჩაშლის.

საერთო მეგობრებს და ნაცნობებს არ ჩამოშორდეთ, განაგრძეთ ცხოვრება ისე, თითქოს არაფერი მომხდარა. მასთან კომუნიკაციისა თუ შეხვედრისთვის კი მიუწვდომელი დარჩით.

5. წინსვლა გააგრძელეთ

ყოფილის დაბრუნებაზე ფიქრის ნაცვლად დაფიქრდით, როგორ გააგრძელებთ ცხოვრებას. შეიძლება ალოგიკური იყოს, თუ გსურთ მისი დაბრუნება, მაგრამ ეს მნიშვნელოვანი ნაბიჯია.

დაიწყეთ ინტერესებისა და ჰობების გადახედვით, რომლებიც შეიძლება ურთიერთობის ჩრდილში ყოფილიყო მოქცეული. გამოიყენეთ ეს დრო საკუთარ კეთილდღეობაზე და ზრდაზე. ივარჯიშეთ, იპოვეთ ახალი ჰობი ან განაახლეთ ძველი გატაცება.

6. იზრუნეთ გარეგნობაზე

არა სხვისთვის, არამედ საკუთარი თავისთვის. მოიპოვეთ "შურისძიების სხეული" – ეს ყოფილის დავიწყების ერთ–ერთი ყველაზე ეფექტური გზაა.

განაახლეთ გარდერობი, ეწვიეთ სილამაზის სალონს, ფიზიკურ ფორმას მიხედეთ. როცა თავს მიმზიდველად იგრძნობთ, ეს არა მხოლოდ თვითშეფასებას აგიმაღლებთ, არამედ სხვებსაც აიძულებს ამის დანახვას.

კონცენტრირდით თქვენს დადებით მხარეებზე. გააკვირვეთ თქვენი ყოფილი მომხიბვლელი გარეგნობით, რათა გააცნობიეროს, რას კარგავს.

7. გაძლიერდით

დაშორების შემდეგ დრო გამოიყენეთ შინაგანი ძალების მოსაპოვებლად. ამ პროცესს სჭირდება დრო, ძალა და თვითშემეცნება. დაიწყეთ შინაგანი დიალოგით, დაფიქრდით, რა არის ნამდვილად მნიშვნელოვანი თქვენთვის და რა გასწავლათ წარსულმა გამოცდილებამ.

იპოვეთ თქვენი გრძნობების გამოხატვის გზები, იქნება ეს შემოქმედების, სპორტის თუ მეგობრებთან და ოჯახთან ურთიერთობის გზით.

ფიზიკური აქტივობა კიდევ ერთი ძლიერი ინსტრუმენტია შინაგანი ძალის მოპოვების გზაზე. რეგულარული ვარჯიში არა მხოლოდ ფიზიკურ მდგომარეობას აუმჯობესებს, არამედ ზრდის ენდორფინის დონეს, რაც დადებითად აისახება თქვენს ემოციურ მდგომარეობაზე.

8. ყოფილ პარტნიორზე ცუდად არ ილაპარაკოთ

ღირსება შეინარჩუნეთ, მასზე ცუდად არ ილაპარაკოთ. ასე თქვენს რეპუტაციას გააძლიერებთ და აიძულებთ პატივი სცეს თქვენს საერთო მოგონებებს. იმის ნაცვლად, რომ იფიქროთ იმაზე, როგორ ანანოთ ყოფილს თქვენი მიტოვება, დაგეგმეთ საპასუხო დარტყმა და მოიზიდეთ სხვების მხარდაჭერა.

ხალხმა არ უნდა იცოდეს, რა მოხდა თქვენს შორის. დუმილი საერთო მეგობრების მოწონების მოპოვების საუკეთესო გზაა. ახალ ნაცნობებთანაც არ ღირს თავის მართლება ან წინა ურთიერთობის ახსნა.

9. შეინარჩუნეთ სიმშვიდე შეხვედრისას

დაე, დაინახოს, რომ მის გარეშე ბედნიერი ხართ და დაშორებამ ვერ გაგტეხათ. შეინარჩუნეთ სიმშვიდე მაშინაც კი, თუ დილით თქვენი ბალიში ცრემლებით სველია.

შეინარჩუნეთ სიმშვიდე, თუ სადმე ღონისძიებაზე გადაეყარეთ. არ აჩვენოთ თქვენი მღელვარება ან ზედმეტი სიხარული. მხოლოდ გულგრილობა. აგრძნობინეთ, რომ დაშორება გადაიტანეთ, თუნდაც ასე არ იყოს.

10. ანიშნეთ, რომ თქვენს ცხოვრებაში სხვა გამოჩნდა

არ მოგიწოდებთ შემთხვევითი ურთიერთობის დაწყებას, მაგრამ რამდენიმე მსუბუქი პაემანი მამაკაცს გადაწყვეტილების გადახედვას აიძულებს.

მაგალითად, შეხვდით მას, ვისაც დიდი ხანია მოსწონხართ. ფოტო სოციალურ ქსელში ატვირთეთ, რომ ყოფილმა დაინახოს. რეალობა გააოგნებს, როცა დაინახავს, რომ ვიღაც სხვას თქვენთან ყოფნა სიამოვნებს.

11. ურთიერთობის წრე გააფართოვეთ

ურთიერთობის წრე გააფართოვეთ, მეგობრებს და ოჯახს შეხვდით. ემოციური განკურნება შეიძლება მოხდეს მოგზაურობით, ახალი გამოცდილებითა და აღმოჩენებით.

ასაკის მატებასთან ერთად ახალ ადამიანებთან დაახლოება რთულდება. სამსახური კოლეგებით დაიწყეთ. მაგალითად, შესთავაზეთ ფინჯანი ყავის დალევა სამსახურის შემდეგ. საჭიროების შემთხვევაში, ფოტო გადაიღეთ და სოციალურ მედიაში გააზიარეთ.

ახალი მეგობრები მოგიტანთ ახალ შთაბეჭდილებებს და დაგეხმარებათ ყურადღება გადაიტანოთ წარსული ურთიერთობიდან აწმყოზე.

12. კონცენტრირდით წარმატებაზე

პროფესიული მიღწევები გაზრდის თქვენს თავდაჯერებულობას და ყოფილი პარტნიორის ყურადღებასაც მიიპყრობს.

გააფართოვეთ თქვენი ჰორიზონტი: ისწავლეთ ახალი უნარები, გაიარეთ სასწავლო კურსები, იმოგზაურეთ ან სცადეთ რაღაც ახალი. ყოველი ახალი გამოცდილება თავდაჯერებულობას შეგმატებთ და გაჩვენებთ, რომ ცხოვრება სავსეა შესაძლებლობებით.

დაისახეთ მიზნები, რომლებიც წინსვლის მოტივაციას მოგცემთ. ამ მიზნების მიღწევა გაგაძლიერებთ და გაჩვენებთ, რა შეგიძლიათ.

მნიშვნელოვანია: არ იჩქაროთ ყოფილ პარტნიორთან დაბრუნება

ნუ გახდებით სარეზერვო ვარიანტი, როდესაც მორიგი სასიყვარულო წარუმატებლობის შემდეგ დაგიბრუნდებათ, შემდეგ კი ისტორია მეორდება. თუ დაბრუნდება, მაშინვე არ დანებდეთ. ურთიერთობა არ იქნება განსხვავებული, თუ არაფერი შეიცვლება.

გახსოვდეთ, რომ თქვენი გრძნობები დროთა განმავლობაში იცვლება. ყოველთვის ასე ძლიერ არ იგრძნობთ მონატრებას. ერთ მშვენიერ დღეს დაინახავთ ნათელ მომავალს მის გარეშე. და ასე შეძლებთ წარსულის გაშვებას, აწმყოს მიღებას და ბედნიერებისკენ სვლას.

სინანული დაშორების შემდეგ ხშირია. თუ ცდილობთ თქვენს ცხოვრებაში ყოფილი პარტნიორის დაბრუნებას, ან სულ მცირე, ანანოთ თქვენი მიტოვება, გახსოვდეთ: არასოდეს დაედევნოთ მამაკაცს, თუ არ იჩენს ინტერესს.

თუ მთელი ძალისხმევის მიუხედავად, ყოფილი პარტნიორი არ განიშნებთ, რომ დაშორებას ნანობს, დროა დაივიწყოთ და წინსვლა გააგრძელოთ. თუმცა თუ კარტებს სწორად გადაითამაშებთ, ყოფილი პარტნიორის დაბრუნების დიდი შანსი არსებობს.

ასევე დაგაინტერესებთ:

ძველი ტრადიცია ბრუნდება – რატომ ეძინა ადრე ცოლ–ქმარს ცალ–ცალკე?

ვბრაზდებით, როცა პარტნიორისგან ნაკლებ ყურადღებას ვიღებთ: როგორ ვქმნით პრობლემებს ურთიერთობაში

ფრაზები, რომლის მოსმენაც ქალს შეყვარებულისგან არასდროს არ სურს

რა ანადგურებს მამაკაცის სიყვარულს - განქორწინებული მამაკაცის გულახდილი საუბარი

20 რამ ქორწინებაზე, რაც ძალიან გვიან გავიგე