ნასას ასტრონომებმა მოულოდნელი აღმოჩენა გააკეთეს, როდესაც მათ გააანალიზეს კოსმოსური გამა- ტელესკოპ ფერმის მონაცემები.

მზის სისტემა გალაქტიკის ცენტრის გარშემო 370 კმ/წმ სიჩქარით მოძრაობს. ეს ნიშნავს, რომ სამყაროს ერთი ნაწილი თითქოს ჩვენკენ მოძრაობს, ხოლო საპირისპირო მხარე ჩვენ გვშორდება. ეს ეფექტი შეინიშნება, მაგალითად, კოსმოსური მიკროტალღური ფონის რადიაციაში, რომელიც არის დიდი აფეთქების სინათლის ექო. მეცნიერები ელოდნენ მსგავს ეფექტს, როცა გამა სხივებს დააკვირდებოდნენ, მაგრამ მათ აღმოაჩინეს სრულიად განსხვავებული გამა გამოსხივების სიგნალი, რაც მოულოდნელი იყო. კვლევის შედეგები The Astrophysical Journal Letters-ში გამოქვეყნდა, წერს ScienceAlert.

რელიქტური გამოსხივება ძალიან ერთგვაროვანია, ამიტომ ამ ფენომენი ცის სხვადასხვა მიმართულებით განსხვავებები ძალიან მცირეა. მეცნიერებს სჯეროდათ, რომ გამა სხივები ასევე დაახლოებით ერთნაირად გამოიყურებოდა კოსმოსის სხვადასხვა ნაწილში, მიუხედავად იმისა, რომ გამა სხივებს აქვთ მილიარდჯერ მეტი ენერგია, ვიდრე ჩვეულებრივ სინათლეს.

კოსმოსური ტელესკოპ ფერმის გამა-სხივების მონაცემების ანალიზმა ნასას მეცნიერებს საშუალება მისცა აღმოეჩინათ იდუმალი გამა-სხივების სიგნალი, რომელიც მოდის ჩვენი გალაქტიკის გარედან და ჯერჯერობით მისი ბუნების ახსნა შეუძლებელია. მძლავრ ტელესკოპს შეუძლია აღმოაჩინოს გამა სხივები, რომლებიც წარმოადგენენ ძალიან ენერგიული სინათლის უზარმაზარ აფეთქებებს. ისინი ხშირად ხდება ზეახალი ვარსკვლავის აფეთქებების დროს.

მეცნიერთა აზრით, ეს სრულიად შემთხვევითი აღმოჩენაა, რადგან მათ ცის სხვა ნაწილში გაცილებით ძლიერი სიგნალი აღმოაჩინეს, ვიდრე ის, რასაც ეძებდნენ. მეცნიერები ეძებდნენ გამა გამოსხივების ერთ-ერთ უძველეს მახასიათებელს, რომელიც ცნობილია როგორც კოსმოსური მიკროტალღური ფონის რადიაცია.

მიკროტალღური გამოსხივების ფონს აქვს დიპოლური სტრუქტურა, რომლის ერთი ბოლო მეორეზე ცხელია. მაგრამ გამა-გამოსხივების დიპოლი საერთოდ არ იყო ამ გამოსხივების დიპოლის მსგავსი. ეს გამა სხივები კოსმოსის სხვა ნაწილიდან მოდის და ისინი მოსალოდნელზე ბევრად ძლიერია.

მეცნიერები ამბობენ, რომ მათ აღმოაჩინეს გამა-სხივების დიპოლი, მაგრამ მისი პიკი მდებარეობს სამხრეთ ცაზე, რელიქტური გამოსხივების მოშორებით და მისი სიდიდე 10-ჯერ აღემატება იმას, რასაც მზის სისტემის მოძრაობიდან მოველოდით.

მიუხედავად იმისა, რომ აღმოჩენილი სიგნალი არ ემთხვევა დიპოლურ სიგნალს, ის ემთხვევა იმას, რაც დაფიქსირდა 6 წლის წინ ყველაზე ენერგიულ კოსმოსური სხივების ნაკადში, რომელიც ასტრონომებს ოდესმე უნახავთ. ახალი გამა სხივების სიგნალი იმავე მიმართულებით მოდის, როგორც იდუმალი კოსმოსური სხივები.

მეცნიერთა აზრით, არსებობს ეჭვი, რომ ორივე ფენომენი შეიძლება იყოს დაკავშირებული, ანუ გამა სხივების აღმოჩენილი თვისება და უმაღლესი ენერგიის კოსმოსური სხივების თვისება. უმაღლესი ენერგიის კოსმოსური სხივები მილიარდჯერ მეტ ენერგიას ატარებს, ვიდრე გამა სხივები, მაგრამ მეცნიერებმა არ იციან საიდან მოდის ისინი.

ნასას ასტრონომები ვარაუდობენ, რომ ორივე ფენომენი შეიძლება წარმოიშვას ერთი და იგივე ამოუცნობი წყაროდან, მათი მსგავსი სტრუქტურის გათვალისწინებით. ახლა რჩება მხოლოდ ამ იდუმალი წყაროს იდენტიფიცირება.