მეცნიერთა აზრით, ეს ობიექტი ჩვენი გალაქტიკის ცენტრში გაქრობისთვისაა განწირული.

სულ რაღაც 4 წლის წინ ასტრონომებმა აღმოაჩინეს ირმის ნახტომის ცენტრთან უახლოესი გლობულური ვარსკვლავური გროვა, სახელწოდებით VVV CL002. ახლა ასტრონომებმა გაარკვიეს, რომ VVV CL002 დიდი სისწრაფით მიიჩქარის ირმის ნახტომის ცენტრისკენ და მას შეუსაბამო ბედი ელის. კვლევის შედეგები მიღებულია გამოქვეყნებისთვის ჟურნალ Astronomy and Astrophysics-ში წერს Universe Tоday.

გლობულური ვარსკვლავური გროვები არის ვარსკვლავების სფერული ჯგუფები, რომლებიც ერთმანეთთან არის დაკავშირებული გრავიტაციით. მათგან ყველაზე დიდი შეიძლება შეიცავდეს მილიონობით ვარსკვლავს. მაგრამ ვარსკვლავური ჯგუფების უმეტესობა მდებარეობს გალაქტიკის ჰალოში, მის გარეუბანში. მაგრამ არის ისეთებიც, რომლებიც აღმოაჩინეს ირმის ნახტომის ცენტრთან ახლოს. მათ შორისაა გლობულური ვარსკვლავური გროვა VVV CL002, რომელიც მდებარეობს ცენტრიდან 1300 სინათლის წლის მანძილზე და როგორც ახალი დაკვირვებით გვიჩვენებს, ირმის ნახტომის გულს 400 კმ/წმ სიჩქარით უახლოვდება.

მიუხედავად იმისა, რომ ეს ვარსკვლავური გროვა არსებობდა ძალიან დიდი ხნის განმავლობაში, ახლა მათ არსებობას გალაქტიკური ცენტრში საფრთხე ემუქრება. ადგილობრივ პირობებს შეუძლია გაანადგუროს გრავიტაციული ბმები ვარსკვლავებს შორის და ვარსკვლავური გროვა უბრალოდ გაქრება. მეცნიერები თვლიან, რომ ძლიერი მოქცევის ძალები დომინირებს ირმის ნახტომის ცენტრში და გლობულური ვარსკვლავური გროვები ამ რეგიონში იშლება. მათი ვარსკვლავები კი გალაქტიკის უკვე ვარსკვლავებით სავსე რეგიონის ნაწილი ხდება.

იმის გასაგებად, თუ სად შეიძლებოდა ჩამოყალიბებულიყო ეს ვარსკვლავური გროვა, მეცნიერებმა გადაწყვიტეს მიემართათ ისეთ კონცეფციისთვის, როგორიცაა ვარსკვლავების მეტალურობა. ეს ტერმინი აღწერს ქიმიური ელემენტების რაოდენობას, რომლებიც უფრო მძიმეა ვიდრე წყალბადი და ჰელიუმი. ძველ ვარსკვლავებს, როგორც წესი, აქვთ დაბალი მეტალურობა. აღმოჩნდა, რომ გროვა VVV CL002 შეიცავს სწორედ ასეთ ვარსკვლავებს. ამრიგად, მეცნიერებმა დაადასტურეს, რომ VVV CL002 არის ძველი გლობულური ვარსკვლავური გროვა.

კვლევის ავტორები ამბობენ, რომ ვარსკვლავური გროვა პირდაპირ გალაქტიკის ცენტრისკენ მოძრაობს და მას ვერაფერი შეაჩერებს. გალაქტიკის ცენტრი კი ძალიან არასასიამოვნო ადგილია. სხვა საფრთხეებს შორის არის სუპერმასიური მშვილდოსანი A* შავი ხვრელი, რომელიც გავლენას ახდენს ყველა მიმდებარე ობიექტზე თავისი გრავიტაციით. მეცნიერები თვლიან, რომ VVV CL002 უახლოეს მომავალში გარდაუვალი სიკვდილის წინაშე აღმოჩნდება. ეს გროვა გარკვეული დროით შემოივლის გალაქტიკის ცენტრის ირგვლივ და არც თუ ისე შორეულ მომავალში განადგურდება.