რა მაგარია რომ ფოტოაპარატი 1826 წელს (ფოტოგრაფიის ისტორიაში ათვლის წერტილად შეიძლება 1826 წელი ჩაითვალოს, როდესაც ფრანგმა გამომგონებელმა ჯოზეფ ნისეფორ ნიეპსმა პირველად ქიმიურად შეძლო დაეფიქსირებინა სინათლის გამოსახულება ბითუმით დაფარულ თუნუქის ფირფიტაზე, რომელიც მან კამერა ობსკურაში მოათავსა და რომელზედაც რვა საათის განმავლობაში ასახავდა ხედს ფანჯრიდან. "ხედი ფანჯრიდან ლე გრაში" ასე ჰქვია მის 1826 წლით დათარიღებულ ფოტოს, რომელიც მსოფლიოში ჩვენამდე მოღწეულ პირველ ფოტოსურათად ითვლება) გამოიგონეს. წინააღმდეგ შემთხვევაში, ვერასოდეს ვიხილავდით ბევრ ისეთ ისტორიულ მომენტს, რომელიც მსოფლიოში მოხდა, საოცარია რომ ეს ტექნიკა იმ ქვეყნებისა თუ ადგილების დათვალიერების საშუალებასაც გვაძლევს, სადაც ჩვენ შესაძლოა ვერც ვერასოდეს მოვხვდეთ.

ერთი შეხედვით, შეიძლება მოგეჩვენოთ რომ ეს ქალბატონი გიპიურის ბლუზაშია გამოწყობილი, რაც მისი იმიჯისა და ეპოქისთვის სრულიად ორგანული იქნებოდა, თუმცა როცა ფოტოს დეტალურად დააკვირდებით თვალებს არ დაუჯერებთ. ამ ქალბატონის გამბედაობა მართლაც შესაშურია, ჩვენს დროშიც კი ტატუებით მთელი სხეულის მოხატვას ყველა როდი გაბედავს, საერთოდ რომ აღაფერი ვთქვათ 1907 წელზე.

საინტერესოა, რას განიცდის პაციენტი, რომელიც ამ დროს საოპერაციო მაგიდაზე წევს, ათობით თვალი კი მისი პირის ღრუსკენაა მიმართული? 1910 წლის ამ ფოტოზე სტომატოლოგიური ოპერაცია ტარდება, რომელსაც თვალს ასობით სტუდენტი ადევნებს.

ეს 1940 წლის ომის ფოტოა. ცნობილია, რომ სურათზე აღბეჭდილმა გოგონამ სპეციალური ლასოს დახმარებით ლონდონში დაბომბილი სახლების ნანგრევებიდან 600-ზე მეტი კატის ამოყვანა შეძლო.

იცოდით, რომ ლოს-ანჯელესის ცნობილი უბნის წარწერა თავიდან ასე გამოიყურებოდა? თუმცა 1949 წლის ბოლოსთვის მისი ბოლო ასოების დემონტაჟი გადაწყდა.

მართალია, ეს ჩაფხუტი საკმაოდ ფუტურისტულად გამოიყურება, რაც მას სამეცნიერო ფანტასტიკური ფილმის რეკვიზიტის იერს ანიჭებს, თუმცა ამ მილებს სრულიად რაციონალური მნიშვნელობა ჰქონდა - ეს გახლავთ საკომუნიკაციო მოწყობილობა, რომელიც მოტოციკლზე მყოფ ადამიანებს ერთმანეთთან კომუნიკაციის საშუალებას აძლევდა. მილები 1960 წელს
იქნა გამოგონილი.

გერმანელი მოდელის ჰელგა კინის "ჩაცმულობა" დღესაც კი საკმაოდ თამამად გამოიყურება, რომ არაფერი ვთქვათ 1970-იან წლებზე.

მე-19 საუკუნეში ადამიანებს სქოლიოზისგან განკურნებას ამ ფორმით სთავაზობდნენ, ხოლო რამდენად ეფექტური იყო მსგავსი მეთოდი - უცნობია, ისევე როგორც რატომ უწევდა პაციენტს ამ პროცედურის დროს - გაშიშვლება.

სახის გამომეტყველების ასეთ ნაკრებს 1920-იან წლებში თავმოყვარე კომიკოსები იყენებდნენ.

1987 წელს "Dolce & Gabbana"-ამ ზედმეტად კონცეპტუალური სარეკლამო რგოლი გადაიღო. ეს იყო ერთ-ერთი პირველი რეკლამა 1986 წელს მილანში მათი მაღაზიის გახსნის შემდეგ.

ეს გრაფიტის ნიმუში არ გეგონოთ, კვალი ამ გემზე 1945 წელს ე.წ. კამიკაძე - თვითმკვლელმა პილოტმა დატოვა. იაპონური სამხედროების ასეთი ქვედანაყოფები წყნარ ოკეანეში მეორე მსოფლიო ომის დასკვნით ეტაპზე გამოჩნდნენ. მოგვიანებით ამ იაპონურ სიტყვას მფრინავების გარდა, ასევე ყველა თვითმკვლელ ჯარისკაცს უწოდებდნენ.