ოქსფორდის უნივერსიტეტის მეცნიერებმა დაასკვნეს, რომ დიდი დუნდულების მქონე ქალბატონები ქრონიკული დაავადებების მიმართ ნაკლებ მგრძნობიარენი და გაცილებით უფრო ჭკვიანები არიან. როგორც ირკვევა, დიდი უკანალი არა მარტო მამაკაცების აღტაცების ობიექტია, არამედ ის დიაბეტისა და მთელი რიგი გულის დაავადებების განვითარების რისკსაც ამცირებს. კვლევამ, რომელშიც მონაწილეობა 16 000-ზე მეტმა ქალმა მიიღო აჩვენა რომ ფუმფულა ფორმების მქონე ქალბატონებს ქოლესტერინის გაცილებით დაბალი დონეც აქვთ, ხოლო ჰორმონები, რომლებიც შაქრის გადამუშავებაზე არიან პასუხიმსგებელნი გაცილებით უკეთ ფუნქციონირებენ.

შედეგებმა ასევე ისიც აჩვენა, რომ ფართოთეძოიან ქალებს უფრო ჭკვიანი შვილები უჩნდებათ, რაც დუნდულოებში ომეგა 3-ის ცხიმების დაგროვებით არის განპირობებული, რომელიც ასევე ტვინის განვითარებასაც უწყობს ხელს.

ABC- ს ანგარიშიდან:

პროფესორმა კონსტანტინოს მანოლოპულოსმა, რომელიც ოქსფორდის უნივერსიტეტის მეცნიერთა ჯგუფს ხელმძღვანელობს, განაცხადა რომ ქალებს ჩვეულებრივზე უფრო დიდი დუნდულებით ორგანიზმში დაბალი ქოლესტერინისა და გლუკოზის დონე აღენიშნებათ. დიდი დუნდულების მქონე ქალებს სისხლში ჰორმონ ლეპტინის მაღალი შემცველობაც აქვთ, რომელიც წონას არეგულირებს, და ასევე ჰორმონი დინოპექტინი, რომელიც ხელს უშლის როგორც კუჭისა და სისხლძარღვების დაავადებების წარმოქმნას, ასევე დიაბეტის განვითარებასაც.

კანქვეშა ცხიმი დუნდულებში ცხიმის ნაწილაკებს აკავებს, რაც გულს ჯანმრთელ მდგომარეობაში შენარჩუნებაში ეხმარება. პიცბურგისა და კალიფორნიის უნივერსიტეტებში ჩატარებულმა ბოლოდროინდელმა კვლევებმა ცხადყო რომ ფართოთეძოიან ქალებს სიცოცხლის ხანგრძლივობის მაღალი მაჩვენებელი გააჩნიათ. გამოდის, რომ გოგონები, რომლებიც დუნდულების ვარჯიშებს სისტემატურად აკეთებენ და ცდილობენ ფორმებით კიმ კარდაშიანს დაემსგავსონ ამას ჯანმრთელობის მიზნით აკეთებენ.