ამერიკელმა ქალმა მოწამლა თავისი პარტნიორი, რათა მის მემკვიდრეობას დაუფლებოდა. ამის შესახებ The Guardian იუწყება.

51 წლის სტივენ რაილიმ ჩრდილოეთ დაკოტადან მემკვიდრეობით დაახლოებით 30 მილიონი დოლარი მიიღო. მისი პარტნიორის, 47 წლის აინა ტია კენოიერის მტკიცებით, თითქოს სტივენს მისთვის და მისი შვილისთვის უნდა გაეყო თანხა. თუმცა, მემკვიდრეობის მიღებამდე ცოტა ხნით ადრე, ქალმა შეიტყო, რომ რაილის სურდა მასთან ურთიერთობის გაწყვეტა.

ამის შემდეგ აინა კენოიერმა გადაწყვიტა მოეწამლა საყვარელი, მისი ფულის ხელში ჩაგდების მიზნის.

მან რაილის ანტიფრიზი შეაპარა, რის გამოც მისი მდგომარეობა სწრაფად გაუარესდა.

ადვოკატთან შეხვედრისა და მემკვიდრეობის მიღების დღეს, მამაკაცი თავს ცუდად გრძნობდა. მეორე დღეს კენოიერმა სასწრაფო დახმარება გამოიძახა. ადგილზე მისულმა მედიკოსებმა რაილი უგონო მდგომარეობაში აღმოაჩინეს. ის სასწრაფოდ გადაიყვანეს საავადმყოფოში, მაგრამ ექიმებმა მისი გადარჩენა ვერ შეძლეს.

ექსპერტიზით დადგინდა, რომ მამაკაცი ანტიფრიზით იყო მოწამლული. გამომძიებლები თვლიან, რომ ეს კენოიერმა გააკეთა. დაკავებამდე რამდენიმე დღით ადრე ქალმა თქვა, რომ საყვარლისათვის ზიანი არ მიუყენებია.

დაკითხვის დროს პოლიციამ ჰკითხა კენოიერს რაილის მემკვიდრეობის შესახებ. ქალი ამტკიცებდა, რომ მემკვიდრეობიდან წილი ეკუთვნოდა, რადგან მასთან სამოქალაქო ქორწინებაში იმყოფებოდა. თუმცა, ჩრდილოეთ დაკოტას კანონმდებლობით, ასეთი ურთიერთობები არ შეიძლება იყოს მემკვიდრეობის გადაცემის საფუძველი.

იგი ბოიფრენდის მოწამვლაშია ბრალდებული, აინა კენოიერი ამჟამად პატიმრობაში იმყოფება გირაოს შეტანის უფლების გარეშე .მიმდინარეობს შემდგომი გამოძიება.