არავინ არ არის დაზღვეული პრობლემებისგან. Playboy-ის ლამაზმა და სექსუალურმა მოდელებმაც კი, რომელთა წარმატება ბევრ ქალს შურს, იციან რა არის ტკივილი და იმედგაცრუება. ქვემოთ მოგიყვებით ლეგენდარული ჟურნალისთვის პოზირებული ხუთი ლამაზმანის ისტორიას, რომელთა ცხოვრებაც ტრაგიკულად დასრულდა.

1. ჟასმინ ფიორი

ჟასმინ ფიორი იყო საცურაო კოსტიუმების მოდელი, რომელიც ხშირად იღებდა მონაწილეობას წვეულებებში, სადაც მის სხეულს ტანის ფერმწერები ხატავდნენ. გოგონა რეკლამებშიც გამოდიოდა და ლას-ვეგასის კაზინოებში სხვადასხვა შოუშიც გამოჩნდა.
ერთ-ერთ წვეულებაზე გოგონა შეხვდა თავის მომავალ მეუღლეს რაიან ჯენკინსს, რამდენიმე რეალითი შოუს მონაწილეს. სულ რაღაც ორიოდე დღის შემდეგ შეყვარებულებმა დაქორწინება გადაწყვიტეს - ქორწილი ლას-ვეგასში შედგა.

მათი ქორწინება იდეალური ნამდვილად არ ყოფილა. ისინი მუდმივად ჩხუბობდნენ, კამათობდნენ და ქორწინებიდან რამდენიმე თვის შემდეგ მოდელმა ქმარს უჩივლა, ფიზიკურ ძალადობაში დაადანაშაულა. რამდენიმე თვის შემდეგ შეყვარებულები დაბინავდნენ სან დიეგოს სასტუმრო L’Auberge-ში, სადაც ჟასმინი ბოლოს ნახეს ცოცხალი. მოდელის დანაწევრებული ცხედარი სასტუმროს მახლობლად, სანაგვე ურნაში ჩემოდანში იპოვეს. მკვლელმა გონივრულად დააჭრა თითები და ამოუღო კბილები, მაგრამ დაივიწყა მკერდის იმპლანტები - მათი სერიული ნომრიდან გამომდინარე, შესაძლებელი გახდა იმის გარკვევა, რომ გვამი ჟასმინ ფიორის ეკუთვნოდა. ამ საქმეში ერთადერთი ეჭვმიტანილი მოდელის ქმარი, რაიან ჯენკინსი იყო, რომელმაც მალე თავი მოიკლა.

2. სთარ სთოუ

1977 წლის თებერვალში სთარ სთოუ გახდა Playboy-ის თვის საუკეთესო გოგონა და გამოჩნდა ჟურნალის ცენტრში. იმ დროს ის პოპულარობის პიკზე იყო, წვეულებებზე დადიოდა ელტონ ჯონთან, ჰიუ ჰეფნერთან ერთად და მუსიკოს ჯინ სიმონსს ხვდებოდა.

მოგვიანებით სთოუ დაქორწინდა პიტერ მალიგოზე და შეეძინა ვაჟი მაიკლი. ოჯახი საცხოვრებლად ფორტ ლოდერდეილში გადავიდა და რთულ ფინანსურ გაჭირვებაში აღმოჩნდა. ვარსკვლავი ცდილობდა ეშოვა სამუშაო ეგზოტიკურ მოცეკვავედ, მაგრამ მალევე გადავიდა პროსტიტუციაში, შემდეგ კი დაიწყო ნარკომანიასა და ალკოჰოლიზმისკენ მიდრეკილება.
1997 წლის მარტში ყოფილი მოდელი მოკლული იპოვეს. ქალის ნაწილობრივ შიშველი სხეული ბუჩქებში ეგდო. ვინაიდან იმ დროს სერიული მკვლელი მოქმედებდა სამხრეთ-დასავლეთ ფლორიდაში, რომელიც ნადირობდა მეძავებზე, პოლიციამ გადაწყვიტა, რომ სწორედ მას ჰქონდა საქმე სთოუსთან. მაგრამ სინამდვილეში მისი მკვლელობა გაუხსნელი დარჩა.


3. ანა ნიკოლ სმიტი

სიცოცხლის ბოლო წლებში ანა ნიკოლ სმიტი მეუღლესთან და შვილთან ერთად ცხოვრობდა ბაჰამის კუნძულების დედაქალაქ ნასაუში. მალე ვაჟი დოზის გადაჭარბებით გარდაიცვალა ხოლო წყვილს მალევე ქალიშვილი შეეძინათ.
2007 წლის თებერვალში მოდელს გრიპის მსგავსი ვირუსი შეხვდა. დაავადება პროგრესირებდა და გარკვეული პერიოდის შემდეგ ანა ნიკოლი ძალიან ცუდად გახდა. ლამაზმანის ქმარს, რომელიც მცირე ხნით წავიდა, ცოლის ჯანმრთელობის მდგომარეობა შეატყობინეს და როცა დაბრუნდა, ის უკვე გარდაცვლილი იყო. შემთხვევის ადგილზე მისულმა ექიმებმა დაადგინეს, რომ სმიტი გარდაიცვალა სულ მცირე ცხრა გამოწერილი ანალგეტიკისა და ანტიდეპრესანტის ჭარბი დოზის გამო. გაკვეთამ აჩვენა, რომ მოდელს ჰქონდა პნევმონიის მოწინავე ფორმა.

4. ჯეინ მენსფილდი

ჯეინ მენსფილდი ოდესღაც ბროდვეის და ჰოლივუდის მთავარი ლამაზმანი იყო. მომხიბვლელ ქერას 50-იანი წლების სექს-სიმბოლოს უწოდებდნენ და ისეთ „ხატებს“ ადარებდნენ, როგორებიც არიან მერლინ მონრო და ბეტი პეიჯი. მოდელი არაერთხელ გამოჩნდა ეროტიკული ჟურნალების გვერდებზე, ითამაშა სხვადასხვა ფილმებში და გამართა საკუთარი ჩვენება ლას ვეგასში.

მენსფილდი სამჯერ დაქორწინდა და ხუთი შვილი შეეძინა, მაგრამ ორსულობის შემდეგაც ფორმაში დარჩა და კარიერის აწყობა განაგრძო. მოდელის ცხოვრება ტრაგიკულად და მოულოდნელად დასრულდა: 1967 წლის 29 ივნისს ის ავტოკატასტროფაში გარდაიცვალა. შემთხვევის დროს მენსფილდის მანქანაში მენსფილდის ქმარი, პირადი მძღოლი და სამი შვილი იმყოფებოდნენ. იმ ღამეს ყველა ზრდასრული დაიღუპა, ბავშვები მძიმედ დაშავდნენ, მაგრამ, საბედნიეროდ, გადარჩნენ.

5. დოროთი სტარტენი

ალბათ ყველაზე სევდიანი ამბავი დოროთი სტრატენის ამბავია. გოგონა ღარიბ ოჯახში დაიბადა, სკოლა წარჩინებით დაამთავრა, მაგრამ სწავლის გაგრძელების ნაცვლად მუშაობა დაიწყო. მალე დოროთი შეამჩნია Playboy-ის ფოტოგრაფმა პოლ სნაიდერმა და მიიწვია შიშველი პოზირებისთვის. ასე დაიწყო მისი კარიერა სამოდელო ბიზნესში.
გარკვეული პერიოდის შემდეგ, პოლი და დოროთი დაქორწინდნენ, თუმცა ყველა, მათ შორის ჰიუ ჰეფნერი, არწმუნებდა გოგონას, რომ ეს არ გაეკეთებინა და თქვა, რომ მისი ქმარი სუტენიორი და ზოგადად არც თუ ისე კარგი ადამიანი იყო. წყვილი საცხოვრებლად ლოს-ანჯელესში გადავიდა, სადაც დოროთიმ დაიწყო მსახიობობა ჟურნალისთვის და მიმტანად მუშაობა Playboy Club-ში.

ლამაზმა ქერამ პოპულარობის მოპოვება დაიწყო და მალე ჰოლივუდიც კი დაინტერესდა მისით და შესთავაზა როლი ფილმში "ისინი ყველანი იცინოდნენ". გადასაღებ მოედანზე გრძნობები გაჩნდა სტრატენსა და რეჟისორ პიტერ ბოგდანოვიჩს შორის და ქალს სურდა კანონიერ ქმართან ურთიერთობის გაწყვეტა. მაგრამ პოლ სნაიდერი ასე ადვილად არ აპირებდა მის გაშვებას. ჯერ კერძო დეტექტივის დახმარებით უთვალთვალებდა, შემდეგ განქორწინებაზე უარი უთხრა და ბოლოს გაბრაზებულმა სახეში ესროლა ტყვია, სხეული გააუპატიურა, შემდეგ კი თავიც მოიკლა.