რამდენიე კვირის წინ, ცნობილი მომღერლის, ბრიტნი სპირსის მამამ ჯეიმი სპირსმა განაცხადა, რომ მზად იყო მეურვის პოსტი დაეტოვებინა როდესაც დრო მოვიდოდა, ახლა კი სხვა მოთხოვნებიც წამოაყენა. კერძოდ კი შვილის “გათავისუფლების" სანაცვლოდ 2 000 000 აშშ დოლარი მოითხოვა. მამაკაცის იურისტების თქმით, ეს თანხა საჭიროა კომპანია Tri Star ისთვის და ასევე ადვოკატების ვალის დასაფარად.

ორშაბათს ბრიტნის ადვოკატმა, მეთიუ როზენჰარტმა სასამართლოში განცხადება შეიტანა ჯეიმის მეურვეობისგან დაუყოვნებლივი მოხსნის შესახებ:

“ჯეიმი სპირსმა ახლა უნდა დატოვოს თავისი პოსტი და არა მაშინ, როდესაც ძალით დაატოვებინებენ. ეს იქნებოდა მისი მხრიდან სწორი და მოწესრიგებული საქციელი. ბრიტნი სპირსი მამის მხრიდან აღარ იქნება დამცირებული. თანხის გამოძალვაც გამორიცხულია. მისტერ სპირსს ასევე არ აქვს უფლება შვილი “მძევლად" ჰყავდეს და მეურვეობაზე უარის სათქმელად საკუთარ პირობებს აყენებდეს. საქმე მას კი არა მისი შვილის ინტერესებს ეხება."
ბრიტნის ადვოკატმა ასევე ჯეიმი სპირსის იურისტები გააკრიტინა იმ განცხადების გამო, თითქოს მამას მხოლოდ შვილის დაცვა სურდა და ყველაფერი მისდამი სიყვარულის გამო ჩაიდინა. როზენჰარტმა ისიც დაამატა, რომ ჯეიმი სპირსის ძირითადი მოტივი მხოლოდ ფულის მიღებაა და არა მისი კეთილდღეობა.