ყაზანში მასწავლებელმა ბიჭი იშვილა და 8 წლის შემდეგ მისი ცოლი გახდა

თათრეთის რესპუბლიკაში(რუსეთი) 53 წლის ბავშთა სახლის სიმღერის მასწავლებელმა აყვანილ შვილზე იქორწინა. ამის შესახებ პორტალი InKazan იტყობინება.

აისილუ ჩიჟევსკაია-მინგალიმი ქმარზე, დანილაზე 30 წლით უფროსია. ისინი შეხვდნენ მაშინ, როდესაც ქალი მუსიკის მასწავლებლად მუშაობდა ყაზანის ერთ-ერთ ბავშვთა სახლში. მან ბიჭს სიმღერა 14 წლამდე ასწავლა, შემდეგ კი იშვილა. ჩიჟევსკაია-მინგალიმ დანილას რვა წელი ზრდიდა, დროდადრო შვილთან ერთად დუეტში ასრულებდნენ სიმღერებს, ბიჭი ასევე მონაწილეობდა სიმღერის კონკურსებში. 2017 წელს დანილა გავიდა პროექტი Ты супер!-ის ფინალში, სადაც იმღერა ფილიპ კირკოროვთან ერთად.

ახლადშეუღლებულები იმიტომ დაქორწინდნენ, რომ თავიდან აიცილონ ზედმეტი ჭორები. წყვილის თქმით, მათი გაერთიანება შემოქმედებას ეფუძნება და ასაკობრივ სხვაობას ვერ გრძნობენ. „ჩვენი ქორწინება სულ სხვა დონეზეა. ეს არის დიდებული საქმე, ვგრძნობთ, რომ შემოქმედებითად შეკრული ოჯახი არ შეიძლება დაინგრეს, “, - განუცხადა ჩიჟევსკაია-მინგალიმ ჟურნალისტებს.

მისი თქმით, ის ყოველთვის დედა იქნება, რადგან ყველა მამაკაცი ბავშვია. დანილამ განაცხადა, რომ მისთვის ასაკი მხოლოდ რიცხვევია, რადგან მის მეუღლეს ახალგაზრდული გული აქვს.