ოდესღაც ეს ქალაქი მთელ მსოფლიოში ცნობილი იყო მეკობრეებით, მეძავებით, სასმელითა და აღვირახსნილი ღამის ცხოვრებით, მას უწოდებდნენ „ყველაზე ბინძურ და ყველაზე ცოდვილ ქალაქს დედამიწაზე“.

1692 წლის ივნისში 7, 5 მაგნიტუდის მიწისძვრამ და გიგანტურმა ცუნამის ტალღამ თითქმის მთლიანად გაანადგურა პორტ როიალი, რომელიც ჩაიძირა მისი მერყევი საძირკვლის გამო და თან წაიღო ორი ათასი მოსახლის სიცოცხლე. კატასტროფის შემდგომ წლებში პორტ როიალი აგრძელებდა წყალქვეშ ჩაძირვას, მისი დიდი ნაწილი ოკეანის ზედაპირიდან 13 მეტრზე მდებარეობდა.

ჩაძირული ქალაქი არქეოლოგიური კვლევის წარმოუდგენლად პოპულარულ ადგილად იქცა, რადგან თითქმის შესანიშნავად შემონახული არტეფაქტებს დღემდე პოულობენ.

3. იონაგუნის პირამიდები, იაპონია

ექსპერტები კვლავ კამათობენ იმაზე, არის თუ არა იაპონიის სანაპიროზე მდებარე იონაგუნის ძეგლი ადამიანის მიერ შექმნილი თუ არის ბუნებრივი მოვლენა. მიუხედავად იმისა, რომ არსებობს მტკიცებულება ამ უკანასკნელის თეორიის მხარდასაჭერად, ჯერ კიდევ ძალიან ძნელი დასაჯერებელია, როდესაც უყურებთ სამკუთხა ფორმის ქვის ტერასებს, რომლებიც ქმნიან პირამიდას. პირამიდა ზღვის ფსკერიდან 76 მეტრზე მაღლა დგას. მეგალიტი 1995 წელს სრულიად შემთხვევით აღმოაჩინა რეკრეაციულმა მყვინთავმა, როდესაც გადაუხვია დასაშვებ საზღვრებს ოკინავას სანაპიროსთან ჩაყვინთვის დროს. თუ პირამიდები მართლაც ადამიანის ხელით შეიქმნა, მაშინ ეს ალბათ ბოლო გამყინვარების ხანაში მოხდა - დაახლოებით 10 ათასი წლის წინ ჩვენს წელთაღრიცხვამდე.

4. ლომის ქალაქი ძიანდაოჰუს ტბის ქვეშ, ჩინეთი

მსოფლიოში ყველაზე შთამბეჭდავ წყალქვეშა ქალაქად წოდებული ლომის ქალაქი ჩინეთში მართლაც წარმოუდგენლად ლამაზია. ის აშენდა აღმოსავლეთ ჰანის დინასტიის დროს და იყო 62 საფეხბურთო მოედნის ზომა. დღეს ქალაქი მდებარეობს ათასი კუნძულის ტბის ზედაპირიდან 25-40 მეტრზე, ხელოვნური წყალსაცავში, რომელიც შეიქმნა 1950 წელს კაშხლის ასაშენებლად. ქანდაკებები, რომლებიც ქალაქს ამშვენებს, სილამაზით ალექსანდრიის ქანდაკებებსაც კი ჩამოუვარდება, ამიტომ გასაკვირი არ არის, რომ ქალაქი ერთ-ერთი ყველაზე პოპულარული ტურისტული ადგილია ჩინეთში.

5. კლეოპატრას სასახლე, ეგვიპტე

ალექსანდრიის სანაპიროსთან არის ძველი ეგვიპტის დედოფლის, კლეოპატრას სავარაუდო სასახლე. წყალქვეშა არქეოლოგთა ჯგუფმა ფრანგი ფრანკ გაუდიოს ხელმძღვანელობით დაიწყო ამ უძველესი ქალაქის გათხრები, საიდანაც ეგვიპტეს მართავდა პტოლემეების ოჯახის უკანასკნელი დედოფალი კლეოპატრა. ითვლება, რომ ნანგრევები წყალში ჩავიდა ათასნახევარზე მეტი წლის წინ მომხდარი მიწისძვრის შედეგად. არქეოლოგები ასევე ამტკიცებენ, რომ სამეფო სასახლიდან არც თუ ისე შორს იპოვეს ისიდას ტაძარი. დღეისათვის ნანგრევების ადგილზე 140-ზე მეტი არტეფაქტია აღმოჩენილი.