საქართველო
"მითხრა რომ ეგ მანიაკია, თანამშრომლებს ერთმანეთში აჩხუბებს და ერთობაო"- ვისზე საუბრობს თამარ ჩერგოლეიშვილი
2023, 31 აგვისტო, 11:35
"ამომრჩეველთა განათლების საზოგადოების" (VES) დამფუძნებელი თამარ ჩერგოლეიშვილი სოციალურ ქსელში "ქართული ოცნების" დამფუძნებელთან, ბიძინა ივანიშვილთან დაკავშირებით ერთ ისტორიას იხსენებს და წერს:
"ივანიშვილზე ერთი ისტორია მახსენდება.
არც პოლიტიკაში იყო.
სახეზეც კი არ ვიცოდი როგორია.
ერთმა (კარგმა და სანდო) ნაცნობმა, რომელიც მასთან მუშაობდა, მითხრა რომ ეგ მანიაკია, თანამშრომლებს ერთმანეთში აჩხუბებს და ერთობაო.
“კონკურენციას” ეძახისო.
დარწმუნებული ვარ, ახლაც ასე აჩხუბებს მთავრობას და პრეზიდენტს.
მიშაც ასე აჩხუბებდა, რომ თვითონ დაელაგებინა და ქურდად მჯდარიყო."- ვკითხულობთ "ტაბულას" დამფუძნებლის ფეისბუქპოსტში.
