თვალის ხამხამი ხელს უწყობს სითხის განაწილებას მთელ თვალში. მაგრამ როდესაც თქვენი ყურადღება მონიტორისკენ არის მიპყრობილი, ნაკლებად ახამხამებთ. დადგენილია, რომ საშუალოდ ზრდასრული ადამიანი წუთში დაახლოებით 25-30-ჯერ ახამხამებს. ექიმები გირჩევენ წუთში მინიმუმ 12-15-ჯერ დახამხამებას, მაგრამ როცა გაჯეტის ეკრანს უყურებთ, გაცილებით ცოტას ახამხამებთ. იგივე ხდება, როდესაც კითხულობთ ელექტრონულ წიგნს დიდი ხნის განმავლობაში. არ დაგავიწყდეთ დროდადრო მოარიდოთ თვალი მონიტორს/წიგნს/ტელეფონს და შეხედოთ რომელიმე საგანს შორს.

5. კონტაქტური ლინზები

დარწმუნდით, რომ გამოიყენებთ კონტაქტური ლინზების საწმენდ ხსნარებს და არასოდეს გაწმინდოთ ისინი წყლით ან ნერწყვით. გარდა ამისა, ბევრი ოფთალმოლოგი გვირჩევს ლინზების მოხსნას ყოველდღე. ასევე, არ გაკეთოთ ისინი აბაზანაში, შხაპში, აუზში ან ზღვაში. იმისათვის, რომ თვალებმა საკმარისი ჟანგბადი მიიღონ, არ დაიძინოთ კონტაქტურ ლინზებში. კონტაქტური ლინზების შეკვეთისას პირველ რიგში მიმართეთ ოფთალმოლოგს.


6. ღამით მაკიაჟის დატოვების ჩვევა

ძალიან მნიშვნელოვანია, რომ ჩამოიბანოთ მაკიაჟი ყოველდღიურად (განსაკუთრებით თვალების ირგვლივ). მიზანშეწონილია ამის გაკეთება სახლში მისვლისთანავე, რათა კანმა ისუნთქოს, რადგან ნებისმიერი კოსმეტიკა, თუნდაც უმაღლესი ხარისხის, ხურავს ფორებს. ძილის წინ მაკიაჟის დატოვებით თქვენ არა მხოლოდ აზიანებთ სახის კანს, არამედ აყენებთ თვალებს ინფექციის საფრთხის წინაშე.

7. დამცავი სათვალეების უგულვებელყოფა

სათვალეების ტარება არ ღირს მხოლოდ ქლორიან წყალში ცურვისას. თვალები - ყველაზე დაუცველი ადგილია, ძალიან მარტივად შეიძლება დარჩე მხედველობის გარეშე. ამიტომ, სათვალეები აუცილებლად შედის მუშების აღჭურვილობაში, განსაკუთრებით მათთან, ვინც ნაწილებს მექანიკურად ამუშავებს. მაგრამ ასევე რეკომენდებულია დამცავი სათვალის ტარება სახლშიც კი, განსაკუთრებით პოტენციურად სახიფათო ამოცანების შესრულებისას: რემონტი, ავეჯის გადაკეთება, სამზარეულო, მებაღეობა. სამშენებლო ნამსხვრევების, მტვრის, ცხელი ორთქლის, მიწის, მწერების, ხის ტოტების შეღწევამ შეიძლება დააზიანოს თვალები და მძიმე შემთხვევებში საფრთხე შეუქმნას მხედველობას.

8. მოწევა

მოწევა აზიანებს მხედველობას. ის ზრდის კატარაქტის განვითარების რისკს, რადგან ხელს უშლის ორგანიზმის უნარს, მიაწოდოს თვალის ქსოვილებს საკვები ნივთიერებები და ჟანგბადი.

9. არარეგულარული ვიზიტები სპეციალისტთან

რეკომენდირებულია რეგულარულად მიმართოთ სპეციალისტს, განსაკუთრებით თუ გაქვთ მაღალი წნევის ან დიაბეტის პრობლემები. თუ მკურნალობა არ ჩატარდა, დიაბეტმა შეიძლება გამოიწვიოს სიბრმავე.

10. სიმპტომების იგნორირება

არ იფიქროთ, რომ თვალების სიწითლე, სინათლის მიმართ მომატებული მგრძნობელობა, ტკივილი ან დაბინდული მხედველობა თავისით გაქრება. ყოველივე ეს შეიძლება მიუთითებდეს ჯანმრთელობის სერიოზულ პრობლემებზე და ამიტომ ეს სიმპტომები არავითარ შემთხვევაში არ უნდა იყოს იგნორირებული.