სხვა
იცით, რატომ აქვს შარპეის კანზე ნაკეცები?
2023, 5 აგვისტო, 17:11
შარპეი - უძველესი ჩინური ძაღლის ჯიშია, თუმცა მე-20 საუკუნემდე მის წარმომადგენლებს ნაკეცები კანზე (უფრო ზუსტად კი, ჰქონდათ თუმცა თითქმის შეუმჩნეველი რაოდენობის) არ აღენიშნებოდათ. 1970-იან წლებში ჩინეთში არეულობის გამო, შარპეის რაოდენობა 60-მდე შემცირდა, თუმცა ჯიში ერთმა ჰონგკონგელმა ბიზნესმენმა მატგო ლოუმ გადაარჩინა. მან განგაში გამოაცხადა და მსოფლიო საზოგადოებას გადაშენების ზღვარზე მყოფი ჯიშის დაცვისკენ მოუწოდა.
ლოუს ინიციტივით 1978 წელს გინესის რეკორდების წიგნში შარპეი მოხვდა როგორც მსოფლიოში ყველაზე იშვიათი ჯიში, რამაც ამერიკელებში აღნიშნული ჯიშისადმი ინტერესი კიდევ უფრო გაზარდა.
თანამედროვე შარპეი
სელექციონერები, რომლებიც მათზე გაზრდილ მოთხოვნას ვერ უმკლავდებოდნენ, თაღლითობა დაიწყეს, ისინი ლეკვების რაოდენობის გაზრდის მიზნით შარპეის ბულდოგებთან, მოპსებთან, ბულტერიერებთან და სხვა ჯიშის ძაღლებთან აჯვარებდნენ რამაც ძაღლების კანზე ღრმა ნაოჭების წარმოქმნა განაპირობა.
ტრადიციული შარპეი
საბედნიეროდ, ჩინეთში ზოგიერთმა სელექციონერმა შარპეის სხვა ჯიშებთან შეჯვარებაზე უარი თქვა, რისი წყალობითაც ამ ჯიშის სუფთა წარმომადგენლები დღემდე შემორჩნენ, თუმცა მათი რიცხვი ასზე ნაკლებია.
