საჭირო მასალა: 50 მლ წყალი, 320 გ ფქვილი, 2 ჩ.კ. დაფქული ჯანჯაფილი, 1 ს.კ. კაკაო, 2 ს.კ. თაფლი, 100 გ შაქარი, 0, 5 ჭიქა ზეთი, 1, 5 ჩ.კ. სოდა, 150 გ დასპირტული ალუბალი ან ალუბლის ჩირი, 50 გ ნიგოზი, 1 მწიკვი მარილი.

მომზადება: თბილ წყალში გავხსნათ თაფლი, შაქარი, მარილი და ზეთი. ცალკე ავურიოთ მშრალი ინგრედიენტები – ფქვილი, სოდა, ჯანჯაფილი და კაკაო. თხევადი და მშრალი ინგრედიენტები ერთმანეთში ავურიოთ, დავუმატოთ ალუბალი და დამტვრეული ნიგოზი. ცომი მოვათავსოთ ცხიმწასმულ, ფქვილმოყრილ ფორმაში და 180 გრადუს ტემპერატურაზე 40-50 წუთის განმავლობაში ვაცხოთ.