პორტუგალიური მასტიფის მფლობელმა ბობიმ შინაური ცხოველის დაბადების დღის საპატივცემულოდ წვეულება მოაწყო.

ძაღლებისთვის სიცოცხლის პერიოდი განსაკუთრებული გზით მიედინება: მათი სიცოცხლის საშუალო ხანგრძლივობა 10-15 წელია. მაგრამ მსოფლიოს შინაურ ცხოველებს შორის არიან ჩემპიონები, რომლებმაც მიაღწიეს ჭეშმარიტად რეკორდულ წლებს. საუბარია პორტუგალიურ მოდარაჯე ძაღლის ჯიშზე იგივე პორტუგალიური მასტიფზე, სახელად ბობი.

გინესის რეკორდების წიგნის ვებგვერდის მიხედვით, ბობი დაიბადა 1992 წლის 11 მაისს და გასულ ხუთშაბათს მას 31 წელი შეუსრულდა (ადამიანური სტანდარტებით ეს 200 წელია!). შაბათს, პორტუგალიურ სოფელ კონკეიროსში, საკუთარ სახლში, სადაც ბობიმ მთელი ძაღლური ცხოვრება გაატარა, დიდი დაბადების დღე გადაიხადეს.

ბობის მფლობელმა ლეონელ კოსტამ თქვა, რომ ეს იყო " ტრადიციული პორტუგალიური წვეულება". სტუმრებს ადგილობრივი ხორცისა და თევზის კერძებს შესთავაზეს, მათ შორის ბობის, რომელიც, სხვათა შორის, მხოლოდ ადამიანისთვის განკუთვნილ საკვებს ჭამს.

ბობის იუბილეზე საცეკვაო ჯგუფების გამოვიდნენ და ბობიმ ერთ-ერთ ცეკვაშიც მიიღო მონაწილეობა!

ზეიმზე, როგორც ძაღლის პატრონი დაჰპირდა, ასზე მეტი სტუმარი იყო და ბევრი მათგანი სპეციალურად ჩამოვიდა დაბადების დღის მისალოცად სხვადასხვა ქვეყნებიდან.

მას შემდეგ, რაც თებერვალში ბობი გინესის წიგნის მსოფლიო რეკორდსმენი გახდა, როგორც ყველაზე ხანდაზმული ძაღლი მსოფლიოში, მისი ცხოვრება დაძაბული გახდა.

”ბევრი ჟურნალისტი და ადამიანი მოდის მთელი მსოფლიოდან ბობისთან სურათების გადასაღებად”, - განაცხადა ლეონელმა. ისინი ჩამოდიან მთელი ევროპიდან, ასევე აშშ-დან და იაპონიიდანაც კი.