პარტია „კანონის და სამართლის“ ლიდერი თაკო ჩარკვიანი სოციალურ ქსელში „ენმ“-ის წევრის ნიკა მელიას მიერ გაკეთებულ განცხადებებს გამოეხმაურა და აღნიშნა, რომ მელიამ წაგება ვერ გადაიტანა.

.

„აი მართლა ბრავო მიშა სააკაშვილს, ამ ავადმყოფურად ამბიციური „ტიპების“ ხელში რანაირად აშენებდა სახელმწიფოს, ეს რა საცოდაობა მოვისმინე ნიკანორ მელია: „ჩვენი კარი ღიაა და მოვიდნენო, ეუბნება ხალხის მიერ ლეგიტიმურად არჩეულ თავმჯდომარეს“ ანუ იგივე ვარშალომიძეს რომ გაეკეთებინა და ეთქვა. პარტია პარტიაში თუ რას ნიშნავს და რატომ აქირქილებს „ოცნებას“ მსხვილ ოპოპარტიაზე, რა ვერ გადაიტანა წაგება ეს რა საცოდაობაა, ან ამდენ ხანს ვინ გეგმავდა ბრძოლას და ვინ იყო „სტრატეგი“ ხომ წარმოგიდგენიათ?! თურმე ვის ახსოვს ვინმე ამ ქვეყნად, ჯარისკაცებად როცა არიან არ უყვართ ქვეყანა და იდეა??? მხოლოდ თავმჯდომარე რომ ხარ ან უბნის უფროსი მაშინ ხარ „იდეური" და მაშინ იბრძვი?! ვახ ..... საოცარი და სამწუხაროა“, - წერს თაკო ჩარკვიანი.

.

„ერთი სული ჰქონდა მერაბიშვილს და კეზერაშვილს ქუდი დამეხურა, გავსულიყავი და გაუგებრობაში დამეტოვებინა ათიათასობით „ნაციონალური მოძრაობის“ ამომრჩეველი, ეს ბედნიერება მათ არ მივანიჭე“, - ამის შესახებ „ერთიანი ნაციონალური მოძრაობის“ წევრმა ნიკა მელიამ განაცხადა.

.

მელიამ ინგა გრიგოლიას საავტორო გადაცემაში „რეაქცია“ ვრცლად ისაუბრა კეზერაშვილ-ადეიშვილის ჩრდილოვან მმართველობაზე.ღირებულებითი და ფასეულობითი დისტანცირება შეინიშნება ახლანდელ ლიდერებსა და ჩემს შორის. - აღნიშნავს მელია.

.

კეზერაშვილი, მერაბიშვილი და ადეიშვილი სრულად ფლობენ ენმ-ის მართვის ბერკეტებს - ნიკა მელია

„როდესაც კიდევ უფრო მოწყვლად მდგომარეობაში აყენებ „ნაციონალურ მოძრაობას“ და თითქოს შთაბეჭდილება მრჩება, ბოდიში უხეში მეტაფორისთვის, შიდსით რომ ხარ დაავადებული ადამიანი და არავის რომ არ უმხელ და რომ გაბრაზდები. ყოფილა ასეთი პრეცედენტები, წაგვიკითხავს, რომ გაბრაზებული ხარ საკუთარ თავზე და განგებ ცდილობ რომ გადასდო ბევრ ადამიანს ინფექცია. ამას მაგონებს დათო კეზერაშვილი დღეს, ნაცვლად იმისა, რომ დისტანცირდეს ადამიანი“, - დასძენს „ენმ-ს“ წევრი.

.

„კეზერაშვილი, მერაბიშვილი და ადეიშვილი სრულად ფლობენ ენმ-ის მართვის ბერკეტებს“, - ამის შესახებ „ერთიანი ნაციონალური“ მოძრაობის წევრმა ნიკა მელიამ „ტვ პირველის“ ეთერში განაცხადა.

.

მელიას თქმით, რაც არჩევნებზე და არჩევნების შემდეგ მოხდა, ყველაფერში ეს სამი პირი იყო ჩართული.

„პარტიიდან ფაქტობრივად გამომაგდეს. ეს იყო უნებლიე შეცდომა? არა ეს იყო განზრახ გადადგმული ნაბიჯი. ლევან ხაბეიშვილს ვანო მერაბიშვილმა და კეზერაშვილმა დაავალა ეს. ხაბეიშვილმა შეასრულა ნოტარიუსის ფუნქცია. ზურა ადეიშვილი პარტიის საარჩევნო პროცესებში ისე იყო ჩართული, რა დოზითაც ჩართული იყო კეზერაშვილი და მერაბიშვილი. დღეს, ეს პარტია [ენმ] თუ ვინმესია, ამ წუთში და თუ ვინმე სრულად ფლობს პარტიის მართვის ბერკეტებს, ეს არის ბატონი კეზერაშვილი, მერაბიშვილი და ადეიშვილი. ეს 3 ადამიანი, თავიდან ბოლომდე, თხემით ტერფამდე ჩართული იყვნენ არჩევნებში. ადეიშვილი, მერაბიშვილი და კეზერაშვილი იყვნენ ავტორები, რაც მოხდა 5 თებერვალს არჩევნების ჩატარებიდან 5 დღეში, როდესაც ნახევარი პარტია გაყარეს პარტიიდან“, - აცხადებს ნიკა მელია.

.

„ნაციონალური მოძრაობა“ არის უმძიმეს მდგომარეობაში ვიდრე ოდესმე ყოფილა“, - ამის შესახებ „ერთიანი ნაციონალური“ მოძრაობის წევრმა ნიკა მელიამ.

.