ერთხელაც სასტუმროს ერთ-ერთ სტუმარს ღამით გაეღვიძა და ოთახში სტუმარი დახვდა. მოულოდნელი და დაუპატიჟებელი.იგი ფეხებს ულოკავდა და გაჩერებას არ აპირებდა.

ტენესიში მომხდარი ინციდენტის შემდეგ, სასტუმრო 4th Avenue South Hilton-ის ღამის მენეჯერი გაათავისუფლეს სამსახურდიან.

52 წლის მამაკაცს ბრალად ედებოდა დილით ადრე სტუმრის ოთახში შეჭრა. სასტუმროს კლიენტს, პიტერ ბრენანს მამაკაცი ფეხებს უკოცნიდა. როცა შეხედა და დააკვირდა, მიხვდა, რომ უცნობი წინა დღებში ნახა. ეს იყო სასტუმროს თანამშრომელი, რომელიც ნომერში გაფუჭებული ტელევიზორის შესაკეთებლად შემოვიდა.

სასტუმროს თანამშრომლის დანახვისას სტუმარმა ყვირილი ატეხა, გავიდა ოთახიდან და მომხდარი სასტუმროს დაცვას შეატყობინა. დევიდ ნილი, სასტუმროს მენეჯერი, უარყოფს დანაშაულს. ამბობს, რომ ოთახში იმიტომ შევედი, რომ კვამლის სუნი ვიგრძენი და გადავწყვიტე გადამემოწმებინა ხანძარი იყო თუ არაო.

თუმცა პოლიციამ გაარკვია, რომ ნილს დაცვისთვის არ შეუტყობინებია, რომ კვამლის სუნი იდგა. გარდა ამისა, კვამლთან დაკავშირებით სხვა სტუმრებისა თუ თანამშრომლების მხრიდან პრეტენზია არ ყოფილა. ასე, რომ მამაკაცი მოქმედებდა დამოუკიდებლად, სხვებისთვის არც უცდია, რომ თავისი შეეტყობინებინა განზრახვის შესახებ, ამიტომ მისი სიტყვების სისწორე ჯერ კიდევ დასამტკიცებელია.

ამასობაში მისი დაკავების ორდერი უკვე გაცემულია. აღმოჩნდა, რომ ნილს აქამდეც ჰქონდა პრობლემები კანონთან.წერს გამოცემა NewsChannel 5

მეტროს პოლიციამ გასულ პარასკევს განაცხადა, რომ ნილი უილსონის ოლქში დააკავეს ორდერის საფუძველზე დამამძიმებელ გარემობაში ძარცვის გამო.

"ჩვენ აღმოვაჩინეთ რამდენიმე დანაშაული - სისხლის სამართლის, პატიმრობა, განაჩენი", - განაცხადა მაიკლ ფიშერმა, პიტერ ბრენანის ადვოკატმა Rocky McElhaney იურიდიულ ფირმიდან.