ეს ნამცხვარი ყველას უყვარს. გამოდგება ნებისმიერი ზეიმისთვის, ან უბრალოდ, მყუდრო ოჯახური საღამოსთვის. ერთი შეხედვით, თითქოს რთულია, მაგრამ ცდად ნამდვილად ღირს – სულ რაღაც 12 წუთი და ცომი მზად არის...

ინგრედიენტები:

თაფლი — 100 გრ.
სოდა — 1 ჩ. კ.
კარაქი — 100 გრ.
კვერცხი — 4 ცალი
შაქარი — 1 ჭიქა
მარილი — 1 მწიკვი
ფქვილი — 1, 5 ჭიქა

ნაღები (30%) — 300 მლ.
შესქელებული რძე — 100 მლ.

მომზადება:

I. თასში მოათავსეთ თაფლი და როდესაც გადნება, დაამატეთ სოდა > ხარშეთ საშუალო ცეცხლზე მანამდე, ვიდრე ფერს არ შეიცვლის და არ გამუქდება. თან, სულ ურიეთ.

II. მიღებულ მასას დაამატეთ კარაქი > ისევ ურიეთ და როდესაც კარაქი გადნება, ცეცხლიდან გადმოდგით > გააგრილეთ, ოთახის ტემპერატურამდე.

III. მეორე თასში ათქვიფეთ კვერცხი, შაქარი და მარილი > დაამატეთ გაციებული თაფლიანი ნაზავი > თქვიფეთ ერთგვაროვანი მასის მიღებამდე > დაამატეთ ფქვილი და ისევ ათქვიფეთ.

IV. გაყავით ცომი 2 ნაწილად > საცხობ ფირფიტაზე დაფინეთ პერგამენტი > მოათავსეთ მასზე ცომის ერთი ნაწილი და დასაკრემით გაანაწილეთ > გამოაცხვეთ 180 გრადუსზე, წინასწარ გახურებულ ღუმელში, 5-6 წთ. > იგივე წესით გამოაცხვეთ მეორე ფენაც.

V. კრემის მოსამზადებლად, შეგიძლიათ ნებისმიერი რეცეპტი გამოიყენოთ. აქ კი, კრემის ასეთ რეცეპტს გთავაზობთ: ათქვიფეთ ნაღები და შესქელებული რძე. უნდა მიიღოთ სქელი, არაჟნისებური მასა.

VI. ჩამოაჭერით ფენებს გვერდები და გაყავით შუაზე > თითოეულ ფენას წაუსვით კრემი და ერთმანეთზე დააწყვეთ > დაფხვენით გვერდებიდან ჩამოჭრილი ფირფიტის ნაწილები და ზემოდან მოაყარეთ.

ნამცხვარი შეგიძლიათ II დღეს მიირთვათ, როდესაც ფენებს კრემი გაუჯდება და დარბილდება.

არხის სხვა სიახლეები:

* 10 საინტერესო ფაქტი II მსოფლიო ომის შესახებ

* "შოუ–ბიზნესი ყალბი სამყაროა" – მოსკოვში ჩასულ პუგაჩოვას რუსი ვარსკვლავები ცივად შეხვდნენ

* ჰიტლერის საიდუმლო სარდაფი