მსოფლიოში ანიქრისტეს მრავალი სახვითი გამოსახულება და სკულპტურა არსებობს, მაგრამ ყველა მათგანს ერთი სახე აქვს. როგორ? საიდან? ანუ ადამის მოდგმის წარმომადგენლების წარმოსახვაში იგი ერთნაირად შემოდის
მაგალითად, ბევრ ადამიანს გექნებათ პეტერბურგში, ერმიტაჟში ეს ბრინჯაოს სკულპტურა ნანახი, რომელიც მე-12 საუკუნით თარიღდება და ჰქვია "ეშმაკის სახე" . რა უცნაური დამთხვევებია, რომ მსოფლიოს სხვადასხვა ტაძრებსა და მუზეუმებში ეშმაკს ერთი და იგივე სახე აქვს. იტალიაში, ფერარის პროვინციაში, ქალაქ პომპოზაში არის სატანის გამოსახულება, რომელიც მე-14 საუკუნით თარიღდება
ასევე საინტერესოა, ვერონაში ფრესკა " სატანას დაკრძალვა", მე-14 ს.

ბიბლიაში ნათქვამია, რომ არსებობს „მრავალი ანტიქრისტე“ (1 იოანე 2:18). ბიბლია ცალკეულ პირებს მოიხსენიებს ანტიქრისტედ, ის აგრეთვე ყველას ერთად აღებულს უწოდებს ამ სახელს (2 იოანე 7). პირველად „ანტიქრისტე“ მოციქულების სიცოცხლეში გამოჩნდა და ის დღემდე არსებობს და მოქმედებს. ეს იწინასწარმეტყველა ბიბლიამ (1 იოანე 4:3). სიტყვა „ანტიქრისტე“ მომდინარეობს ბერძნული სიტყვიდან, რომლის მნიშვნელობაა „ქრისტეს საწინააღმდეგო“. იგულისხმება ისინი, ვინც :

ამტკიცებს, რომ თავად არის ქრისტე (მათე 24:24).

უარყოფს, რომ იესო არის ქრისტე (მესია) ან არ აღიარებს მას ღვთის ძედ (1 იოანე 2:22).

ქრისტეს, ღვთის ცხებულის წინააღმდეგ გამოდის (ფსალმუნი 2:1, 2; ლუკა 11:23).

თავს ქრისტიანად ასაღებს, არადა შეიძლება ცბიერი იყოს ან უკანონობის მოქმედი (მათე 7:22, 23; 2 კორინთელთა 11:13).

დევნის ქრისტეს მიმდევრებს, რის გამოც იესო მათ თავის მდევნელად მიიჩნევს (საქმეები 9:5).

„ანტიქრისტე“, იესოს შესახებ ცრუ ინფორმაციას ავრცელებს (მათე 24:9, 11).

„ანტიქრისტეები“ უარყოფენ იესოს ნათქვამს იმის თაობაზე, თუ როგორ მოქმედებს ღვთის სამეფო. ზოგი სასულიერო პირი ამბობს, რომ ქრისტე თავის საქმეებს მიწიერი მთავრობების მეშვეობით ახორციელებს. თუმცა ეს სწავლება იესოს ნათქვამის საპირისპიროა: „ჩემი სამეფო ამ ქვეყნიერების ნაწილი არ არის“ (იოანე 18:36).