დასავლეთში დაიწყო ისტორიის გადაწერა თანამედროვე ლიბერალური სტანდარტებით, რაც გამოიხატება არაკორექტული გამონათქვების ამოღებით წიგნებიდან, ფილმებიდან და პროდუქტის შეფუთვიდანაც კი.

უკვე არსებობს საკულტო კლასიკა, რომელზეც შეერთებულმა შტატებმა გადაწყვიტა მთლიანად უარი თქვას. ასე რომ, "ოსკაროსანი" დრამა „ქარწაღებულნი“ რამდენიმე ამერიკულმა ტელეარხმა და სტრიმინგ პლატფორმამ შეაჩერა. WarnerMedia-მ გააცნობიერა, რომ შავკანიანი მონების ფილმის ყველა სცენიდან ამოღება არ გამოვიდოდა და ამიტომ სურათი მთლიანად დაბლოკა და განაცხადა, რომ, ფილმი არის „თავისი დროის პროდუქტი, რომელიც ასახავს ზოგიერთ ეთნიკურ და რასობრივ ცრურწმენებს, რომელსაც სამწუხაროდ, ოდესღაც ადგილი ჰქონდა ამერიკულ საზოგადოებაში.

საკულტო ეტიკეტები, რომლებიც მრავალი ათწლეულის განმავლობაში ამშვენებდა არა მხოლოდ საკვების შეფუთვას, არამედ კულინარიული რეცეპტების პოპულარულ კოლექციებს, ასევე მთლიანად შეიცვალა.

მაგალითად, წაშალეს მუქკანიანი მითიური ნათესავების - ბიძია ბენისა და დეიდა ჯემიმას სახეები, (Uncle Ben`s, Aunt Jemima)რომელთა გამოსახულებები მონობის ეპოქის მოგონებად ითვლება. ინდოელი ქალის პორტრეტი, რომელიც ადრე 1928 წლიდან დაიბეჭდა ამერიკის მკვიდრი ხალხების ყოველგვარი პრეტენზიის გარეშე, ამოიღეს სარეკლამო პლაკატებიდან და ახალი სამყაროს ერთ-ერთი ყველაზე პოპულარული კარაქის, Land O`Lakes-ის შეფუთვიდან.

მსოფლიოში ერთ-ერთი ყველაზე წაკითხვად და ყველაზე თარგმნად ქალ მწერალს, აგათა კრისტის, ძნელად წარმოსადგენიაა, რომ ოდესმე საეჭვო ტოლერანტობის გამო მის ნაწარმოებებს რედაქტირების "პატივი" ხვდებოდა წილად.

აგათა კრისტის უფლებების მფლობელმა, ამერიკულმა გამომცემლობამ HarperCollins-მა განაცხადა, რომ ახლა დეტექტივის ტექსტები შემოკლებული ვერსიით გამოქვეყნდება. ისინი წაშლიან პასაჟებს, რომლებმაც შესაძლოა „განაწყენონ გარკვეული მკითხველის გრძნობები“. ასე რომ, კრებულში „მის მარპლის ბოლო საქმეები და ორი მოთხრობა“ სიტყვა „ინდიელს“ამოიღებენ „მისი ინდური ხასიათის“გამო, ხოლო რომანიდან „კარიბის საიდუმლო“ ამოიჭრება ნაწყვეტი, სადაც წერია, თუ ნაწარმოების გმირმა როგორ ვერ დაინახა ღამით ბუჩქებში შავკანიანი გოგონა.

მსოფლიოში ერთ-ერთი ყველაზე პოპულარული მულტფილმი – „ტომი და ჯერი“ თაროზე ჯერ არ დაუდვიათ. მაგრამ მის ჩვენებამდე ამერიკულმა ტელეარხებმა დაიწყეს გაფრთხილება: "ფილმი შეიძლება შეიცავდეს მოძველებულ კულტურულ შეხედულებებს". ირკვევა, რომ საქმე ერთ ეპიზოდზეა, შავკანიანი მოახლე იმ სახლში, რომელშიც მთავარი გმირები ცხოვრობენ.

დასავლეთში საბავშვო ლიტერატურა ზოგადად ტოლერანტობის აქამდე უცნობი იდეალის ყველა რეკორდს ხსნის . ავიღოთ, მაგალითად, ბრიტანელი მეზღაპრის, როალდ დალის ზღაპრები. თითქმის ნახევარი საუკუნის მანძილზე მისი რომანების, მოთხრობების და ზღაპრების მიმართ არანაირი პრეტენზია არ ყოფილა. ისინი გაიყიდა მილიონობით ეგზემპლარად და ითარგმნა მსოფლიოს მრავალ ენაზე.

მაგრამ საავტორო უფლებების მფლობელებმა და გამომცემლებმა გადაწყვიტეს თავის დაიზღვიონ და ასზე მეტი შესწორება შეიტანეს დალის ნამუშევრებში. მაგალითად, ავგუსტინ გლუპი „ჩარლი და შოკოლადის ქარხნიდან“ „მსუქანიდან“ „უზარმაზარად“ იქცა. ქალბატონი ტვიტი "Tweets"-დან იყო "საშინელი და მახინჯი", ახლა ის უბრალოდ "საშინელი დარჩა". „მშვენიერი აფრიკული ენა“ იმავე წიგნიდან უბრალოდ „აფრიკული“ გახდა დალის წიგნებიდან ამოიღეს განმარტებები „ქანდაკებავით თეთრი“ და ასევე „გიჟი“.

გამომცემლობის გადაჭარბებულმა ტოლერანტობამ ბრიტანეთის პრემიერ მინისტრი რიში სუნაკიც კი გააკვირვა (სხვათა შორის, წარმოშობით ინდოელი).

რუსი კომპოზიტორის პეტრე ჩაიკოვსკის ბალეტის „მაკნატუნა“ აშშ-ში გადაკეთებას ცდილობენ. და ეს იმისდა მიუხედავად, რომ ამერიკაში მაკნატუნა არა მხოლოდ შობის ერთ-ერთი მთავარი სიმბოლოა, არამედ თეატრებისა და დასის მთავარი მარჩენალიც, რაც მათ წლიური შემოსავლის ნახევარს მოაქვს.

ცვლილება მოიცავს „რასობრივი სტერეოტიპების ლიბრეტოსა და მუსიკისგან თავის დაღწევას, ასევე ამ ბალეტის არისტოკრატულ წარმომავლობას“.

უნდა ვაღიაროთ, რომ დასავლეთში ბევრი არ უჭერს მხარს ამ ტენდეციას . გავლენიანმა ავსტრალიელმა ხელოვნებათმცოდნემ დენის ჩეპმენმა დაგმო კლასიკის რედაქტირება: „ჩვენ არ შეგვიძლია წავშალოთ ისტორია. ჩვენ უნდა ვიცნობდეთ მას. და ამაში ხელოვნების ნიმუშები გვეხმარება."

მისმა კოლეგამ, პროფესორმა ისააკ ჯეკომ შეახსენა, რომ ხელოვნებას და კერძოდ ლიტერატურას, გასართობი და სხვა ფუნქციების გარდა, აქვს კიდევ ერთი - საგანმანათლებლო. მას მიაჩნია, რომ „ნებისმიერი პერიოდის ისტორიისა და ლიტერატურის განადგურება შლის იმ სახის დროს, როგორიც იყო“.

„პოლიტკორექტულობა ძალიან შორს წავიდა“, - განაცხადა მან.