ქალაქი დუბაი ცნობილია ცათამბჯენებით. ის არქიტექტურისა და დიზაინის სიახლეების ერთგვარ ცენტრად იქცა.

მალე დუბაიში შესაძლოა 5 მილიარდი დოლარის მთვარის ფორმის კურორტი ააშენონ. პროექტი შექმნილია კანადური არქიტექტურული ფირმის Moon World Resorts Inc-ის მიერ.

კომპანია აპირებს დუბაიში 224 მეტრის სიმაღლის ძვირადღირებული მთვარის კომპლექსის აშენებას, რომელიც გათვლილი იქნება წელიწადში 2, 5 მილიონ ვიზიტორზე, 1, 8 მილიარდი დოლარის შემოსავლით.

მისი შექმნის მიზანია მსოფლიოს მასშტაბით, ნებისმიერი მსურველისთვის გახადოს ხელმისაწვდომი და მათ შესთავაზონ კოსმოსური ტურიზმის გამოცდილება.

კომპლექსი 10 ჰექტარზე აშენდება და მასში იქნება გამაჯანსაღებელი ცენტრები, ბიზნეს ცენტრები, რესტრონები, ღამის კლუბები და სხვა სახის ცენტრები. კომპლექსს, ასევე ექნება 300 კერძო რეზიდენცია სახელწოდებით "Sky Villas".

და ეს ყველაფერი ამ უზარმაზარ კრატერის ფორმის ბირთვში.