ძველ კარადას ვალაგებდი და შემთხვევით ჯერ კიდევ შევარდნაძის პრეზიდენტობის დროს გამოშვებული "კვირის პალიტრა" ვიპოვე. ჩემი ყურადღება ბოლო გვერდზე დაბეჭდილმა გლეხი კაცის სათნო და ჟამთა სვლით დანაოჭებულმა სახემ მიიქცია. ინტერვიუს წაკითხვისას აღმოჩნდა, რომ მას ჰქონდა ხილვები, რომლებიც კერძო პირების ბედის განსჯით არ შემოიფარგლებოდა. სოფლის უმეტესობა ამტკიცებდა, რომ მისი ნაწინასწარმეტყველები არა ერთხელ ამხდარა.
არჩევნები ახლოვდებოდა და ჟურნალისტმა შემთხვევით ისარგებლა და ჰკითხა თუ ვინ გაიმარჯვებდა და მოუტანდა თუ არა გამარჯვებული, საქართველოს ესოდენ ნანატრ ბედნიერებას? გლეხმა უპასუხა, რომ მომავალი პრეზიდენტი რევოლუციის საშუალებით მოვიდოდა. მის დროს აღმშენებლობა დაიწყებოდა, მაგრამ იგი ის არ იქნებოდა, ვინც საქართველოს ააყვავებდა. არამედ მხოლოდ მის შემდეგ მოსული შეძლებდა საქართველოს ფეხზე დაყენებას.
საინტერესოა ვინ იქნება შემდეგი?