ინდოელი ტრანსგენდერი წყვილი პავალი და ზაჰადი ინტერნეტში მას შემდეგ გახდნენ პოპულარული, რაც ორსულობის ამსახველი ფოტოსესია გაავრცელეს.

ისინი არ შეუშინდნენ საზოგადოების დამოკიდებულებას და თავიანთი ბედნიერების გაზიარება თამამად სცადეს. ახლა უკვე ახალშობილი ჰყავთ, რომლის სქესსაც არ ამხელენ.

ზია პავალი

ზაჰადი ორსულობისას

ზაჰადი პირველი ტრანს მამაკაცია, რომელმაც ბავშვი გააჩინა.

ბავშვის გაჩენა უდიდესი ეტაპია სამხრეთ აზიის ქვეყნებისთვის. აქ ისევე როგორც სხვა დანარჩენ მსოფლიოში ტრანსგენდერი ადამიანები სხვადასხვა სტიგმის წინაშე დგანან. კარგი ამბავი ისაა, რომ 2014 წლიდან ტრანსგენდერი ადამიანები აღიარებულნი არიან მესამე სქესად, რაც მათ უფლებებებს სიმყარეს სძენს.

ზაჰადი და პავალი

ზია პავალი, რომელიც მამაკაცად დაიბადა და მისი პარტნიორი, ზაჰადი, რომელიც - ქალად, დაორსულებისას სქესის შესაცვლელად ჰორმონულ თერაპიაში იმყოფებოდნენ. ბავშვის დაბადებისას საავადმყოფოს ხელმძვანელობას სთხოვეს ბავშვის მამად ზაჰადი გაეტარებინათ, დედად კი - ზია პავალი.

ადგილობრივი მედიის ცნობით, ზაჰადი 23 წლისაა, პავალი კი 21-ის.

მათ ბავშვზე ზრუნვის პასუხიმგებლობაც გადანაწილებული აქვთ - ზაჰადი აპირებს სამსახურში დაბრუნებას, ახალშობილზე კი ზია იზრუნებს.