ბელორუსის პრეზიდენტმა ალექსანდრე ლუკაშენკომ განაცხადა, რომ მის ქვეყანას არ სჭირდება სტრატეგიული ბირთვული იარაღი. მინსკი არ აპირებს „ამერიკელების მოკვლას“ და სტრატეგიული ქობინით რაკეტების გაშვებას თავისი ტერიტორიიდან.

ჩვენ არ ვაპირებთ დარტყმას ამერიკაზე და თუნდაც ევროპის ქვეყნებზე. ტაქტიკური ბირთვული იარაღი - ეს არის ის, რაზეც ჩვენ ვსაუბრობთ, რათა მომზადდეს ეს თვითმფრინავები, რომლებსაც შეეძლებათ ტაქტიკური ბირთვული იარაღის ტარება.”- თქვა ბელორუსის პრეზიდენტმა.

ლუკაშენკომ ასევე გაიხსენა, რომ მას შემდეგ რაც პრეზიდენტი გახდა, ბელორუსის უსაფრთხოების გარანტიების სანაცვლოდ ქვეყნიდან ამოიღეს ბირთვული იარაღი. მისი თქმით, დასავლეთმა ხელშეკრულებები არ დაუშვა და ახლა სახელმწიფოს „სადაც შესაძლებელია, ახრჩობენ“.

„ეს ბირთვული იარაღი რომ გვქონდეს, ისინი ასე არ გველაპარაკებოდნენ. ასე რომ, ყველას ესმის მხოლოდ ძალის.“- განაცხადა მან.

შეგახსენებთ, რომ ადრე ლუკაშენკომ გამოაცხადა მზადყოფნა გამოიყენოს ჯარი და იბრძოლოს რუსებთან ერთად მხოლოდ ბელორუსიაზე თავდასხმის შემთხვევაში. ის ქვეყნის წინააღმდეგ აგრესიაზე „მკაცრ პასუხს“ დაჰპირდა ადრესატებს.