საქართველო
"8 წლის წინ საუბრით გული გამიკეთა და 8 წლის შემდეგ გული მატკინა"- ვის ფოტოს აქვეყნებს ირაკლი ოქრუაშვილი
2022, 14 დეკემბერი, 13:32
თავდაცვის ყოფილი მინისტრი, ირაკლი ოქრუაშვილი პუტინის ომში კიდევ ორი ქართველი მებრძოლის დაღუპვას სოციალურ ქსელში ეხმაურება და ბახმუტთან ბრძოლისას გარდაცვლილ სერგო ქართველიშვილს ემოციურ პოსტს უძღვნის.
"ამ ბიჭმა 8 წლის წინ საუბრით გული გამიკეთა და 8 წლის შემდეგ გული მატკინა."- წერს ირაკლი ოქრუაშვილი სოციალურ ქსელში და გარდაცვლილი გმირის ფოტოს აზიარებს.
შეგახსენებთ, რომ გუშინ, 13 დეკემბერს უკრაინის ქალაქ ბახმუტთან ბრძოლისას კიდევ ორი ქართველი მებრძოლი, მიხეილ თევდორაძე და სერგო ქართველიშვილი დაიღუპნენ. შეტაკებების დროს დაიჭრა ერთი ქართველიც. ბახმუტის აღებას რუსი ოკუპატები უკვე ერთი თვეა ცდილობენ.
