საქართველო
"თორმეტ საათამდე შევძელი და... ვიცი, მაპატიებთ“ - რისთვის იხდის ბოდიშს სალომე ზურაბიშვილი
2023, 19 მარტი, 10:45
საქართველოს მოქმედი პრეზიდენტი სალომე ზურაბიშვილი სოციალურ ქსელში სამადლობელო პოსტს ავრცელებს და საქართველოს ყველა იმ მოქალაქეს, რომელმაც მას დაბადების დღე მიულოცა საჯაროდ მადლობას უხდის:
"მგონი თორმეტ საათამდე შევძელი და ყველა მოლოცვასა და კეთილ სურვილებს ვუპასუხე. თუ ვინმე გამომრჩა ეს სოციალურ ქსელების ბრალი იქნება და ვიცი მაპატიებთ.
ყველას დიდი მადლობა უნდა მოგახსენოთ სითბოსთვის, მეგობრობისთვის, გულწრფელ პატივისცემისთვის და ნდობისთვის. ეს არის ის, რისთვისაც ღირს ცხოვრებაც და ბრძოლაც!"- წერს საქართველოს მეხუთე პრეზიდენტი, სალომე ზურაბიშვილი "ფეისბუქის" პირად გვერდზე.
შეგახსენებთ, რომ სალომე ზურაბიშვილს გუშინ, 18 მარტს 71 წელი შეუსრულდა.
