მექსიკაში, იუკატანის ნახევარკუნძულზე, უძველეს ქალაქ ოშკინტოკში ადამიანის სიმაღლის სკულპტურა აღმოაჩინეს. მისი სიმაღლე 170 სანტიმეტრია. მეცნიერები ვარაუდობენ, რომ ეს არის დატყვევებული მეომრის ქანდაკება. შესაძლოა ის ღმერთებს რელიგიური რიტუალების დროს აჩუქეს. თუმცა მითი იმის შესახებ, რომ მაიას ტომების ადამიანები გოლიათები იყვნენ და სწო0რედ ამ გოლიათებმა ააგეს პირამიდა, დაიმსხვრა

ლუის პანტოჯა, გათხრების ხელმძღვანელი:

„ჩვენთვის ყველა აღმოჩენა მნიშვნელოვანია. ჩვენი ყურადღება მიიპყრო ადამიანის სკულპტურამ, რომელიც ამ შენობაში იპოვეს. ეს სკულპტურა წარმოადგენს მაიას მსოფლმხედველობის სხვადასხვა ასპექტს“.

ოშკინტოკი მაიას ენაზე ნიშნავს "სამი მზის ქვას". ქალაქი არსებობდა 250-დან 900 წლამდე. პირველად აღწერილი იქნა მე -16 საუკუნეში და პირველი ფართომასშტაბიანი გათხრები აქ გასული საუკუნის ბოლოს ჩატარდა.

ახლა ოშკინტოკაში არის აღდგენილი პირამიდა კედლის მხატვრობით და გრავიურებით.