.

ვანო ნადირაძის დეპორტაცია უკრაინიდან 2017 წლის 17 ნოემბერს საქართველოს 7 მოქალაქესთან ერთად განხორციელდა. მაშინ საქართველოს ყოფილმა პრეზიდენტმა, მიხეილ სააკაშვილმა განაცხადა, რომ ვანო ნადირაძე და საქართველოს სხვა მოქალაქეები ქვეყნიდან მასთან კავშირის გამო გააძევეს.

ვანო ნადირაძე ყოფილი სამხედრო მაღალჩინოსანია, რომელიც უკრაინაში ანტიტერორისტულ ოპერაციაში მონაწილეობდა დ ბატალიონ "დონბასის" ყოფილი მებრძოლია.

2 დეკემბერს "შაბათის კურიერში" ვანო ნადირაძის შესახებ სიუჟეტი გავიდა, სადაც აღნიშნულია, რომ ნადირაძემ ფიზიკური ლიკვიდაციის საფრთხის გამო საქართველო დატოვა და მისი ადგილსამყოფელი გასაიდუმლოებული იყო. ვანო ნადირაძე აცხადებდა, რომ საქართველოს ხელისუფლება რუსეთთან ფარულად თანამშრომლობს და მოსკოვს იმ ქართველი სპეცრაზმელების განეიტრალებაში ეხმარება, ვინც რუსეთის წინაღმდეგ სამხედრო ოპერაციებში მონაწილეობდნენ. ნადირაძის თქმით, უკრაინიდან მისი დეპორტაციაც რუსეთთან არის დაკავშირებული.