მანჩესტერ იუნაიტედმა კრიშტიანუ რონალდუსთან კონტრაქტის გაწყვეტის პროცედურა დაიწყო ფეხბურთელთან სკანდალური ინტერვიუს შემდეგ, რომელშიც მან კლუბი გააკრიტიკა.

Daily Mail-ის ცნობით, მანჩესტერ იუნაიტედის ხელმძღვანელობა იკვლევს შესაძლებლობას, რათა რონალდუს არ გადაუხადოს 18 მილიონი ევრო ჯარიმა, ხელფასი, რომელიც გათვალისწინებულია კონტრაქტის ბოლომდე, რომელიც 2023 წლის ზაფხულში იწურება. კლუბის იურისტები მიიჩნევენ, რომ ფეხბურთელმა ინტერვიუში თავისი განცხადებებით შრომითი ხელშეკრულების პირობები დაარღვია.

პორტუგალიელმა თავდამსხმელმა ინტერვიუ მისცა ჟურნალისტ პირს მორგანს, რომელშიც თქვა, რომ არ სცემს პატივს მთავარ მწვრთნელ ერიკ ტენ ჰაგს, მან ასევე დაადანაშაულა ამერიკელი მილიარდერების გლეიზერის ოჯახი, რომლებიც ფლობენ მანჩესტერ იუნაიტედს, კლუბის მიმართ გულგრილობაში და გააკრიტიკა თანაგუნდელები. ფეხბურთელი ამტკიცებს, რომ ახალშობილი შვილის გარდაცვალებისას სათანადო თანაგრძნობა გუნდს არ გამოუთქვამს.

ამ დროისთვის მანჩესტერ იუნაიტედის საშინაო სტადიონის ფასადიდან რონალდუს გამოსახულება გაქრა. ასევე, სპორტსმენს დაევალა, მსოფლიო ჩემპიონატის შემდეგ არ დაბრუნებულიყო კლუბის საწვრთნელ ბაზაზე, სადაც კრიშტიანუ პორტუგალიის ნაკრებში ითამაშებს.