დასავლეთ ევროპასა და ამერიკაში ავტობუსის გაჩერებების უმეტესობა ერთნაირად და მოსაწყენად გამოიყურება: პლასტმასი, რეკლამა, ყოველგვარი არქიტექტურული ფანტაზიის გარეშე. კანადელმა ფოტოგრაფმა კრისტოფერ ჰერვიგმა შენიშნა, რომ ყოფილი სსრკ-ის ტერიტორიაზე განსხვავებული ვითარებაა. შავი ზღვიდან ყაზახეთის სტეპებამდე მანძილის გადალახვისას, ჰერვიგმა აღმოაჩინა ავტობუსის გაჩერებების დიდი რაოდენობა, რომლებიც ხაზს უსვამდა საბჭოთა არქიტექტორებისა და მხატვრების მხატვრულ შესაძლებლობებს.

ქრისტოფერ ჰერვიგმა რამდენიმე წელი იმოგზაურა ყოფილ საბჭოთა რესპუბლიკებში ყველაზე უჩვეულო და კრეატიული ავტობუსის გაჩერებების მოსაძებნად. მან გაიარა 30000 კმ, მოინახულა 14 ქვეყანა და გამოსცა წიგნი, რომელშიც 159 გაჩერების ფოტო იყო წარმოდგენილი. ამ წიგნის ილუსტრაციების კომენტარებში აღნიშნულია, რომ ნაცრისფერი და შეუმჩნეველი დასავლური ნიმუშებისგან განსხვავებით, სსრკ-ში აშენებდნენ ავტობუსის გაჩერებებს, რომელიც აბსოლუტურად ფანტასტიკურ არქიტექტურულ შედევრებს წარმოადგენდა.

მის ფოტოობიექტივში ოკუპირებული აფხაზეთის ავტობუსის გაჩერებები მოხვდა. მოგზაურობას ინციდენტის გარეშე არ ჩაუვლია.

"ერთხელ აფხაზეთში ტაქსის მძღოლმა მითხრა, რომ ქართველი ჯაშუში ვარ და საიდუმდლო ობიექტებს ვიღებ. მან ქრთამი მომთხოვა, წინააღმდეგ შემთხვევაში, მილიციასთან დასმენით მემუქრებოდა. ზედმეტია იმაზე საუბარი, რომ ჩემმა სიტყვებმა, რომ აფხაზეთში „ავტობუსის შესანიშნავი მოსაცდელების გადასაღებად ჩავედი“, ვერაფრით დაარწმუნა. თავი ძლივს დავაღწიე, თუმცა, სწორედ ამ პატარა დრამის და მოგზაურობის შედეგად, ჩემი კამერის მეხსიერებამ, რომელიც საცვალში დავმალე, საუკეთესო ფოტოები შემოინახა“, - წერს კრისტოფერ ჰერვიგი.

ახლა კი შემოგთავაზებთ საუკეთესოთა შორის საუკეთესო ავტობუსის გაჩერებებზე მოსაცდელებს შემორჩენილს საბჭოთა ეპოქიდან.

კოოტსი ესტონეთი

პიარნუ ესტონეთი

ნაილავერე ესტონეთი

მარი, თურქმენეთი

ნიისიკუ, ესტონეთი

ლელიუნაი, ლიეტუვა

ბიჭვინთა

გაგრა

გუდაუთა

კანიუკაი, ლიეტუვა

ეჩმიაძინი, სომხეთი

ერევანი, სომხეთი

სარატაკი, სომხეთი

ეჩმიაძინი, სომხეთი

ვოსტელეი, ლიეტუვა

ტერაზი, ყაზახეთი

ყარაყოლი, ყირგიზეთი

ტერმეზი, უზბეკეთი

პენეშეშტი, მოლდოვა

ფალეშტი, მოლდოვა

პოლტავა, უკრაინა

ბალიჩკი, ყირგიზეთი

არალსკი, ყაზახეთი

ჩარინი, ყაზახეთი

ლილიხუოვკა, უკრაინა

ტალდიყორანი, ყაზახეთი

ბელცი, მოლდოვა

მაჩეხი, უკრაინა

ტურსუნზადე, ტაჯიკეთი

ასტანა, ყაზახეთი