„ნაციონალური მოძრაობის“ წევრი რომან გოცირიძე მიიჩნევს, რომ "ქართული ოცნების“ რეაქცია უკ­რა­ი­ნის პრე­ზი­დენ­ტის ოფი­სის მრჩე­ვე­ლის ოლექ­სი არეს­ტო­ვი­ჩის განცხადებებზე გადაჭარბებულია. არესტოვიჩი, რომელიც "თავის თავს უწოდებს პრეზიდენტის ადმინისტრაციის შტატგარეშე სპეციალისტს, სინამდვილეში თვითმარქვიაა, რადგან არ იძებნება შტატგარეშეთა ოფიციალურ სიაში".

"არესტოვიჩის გამონათქვამებზე ღრიანცელის ატეხვა “ქართულო ოცნების” მიერ, იგივეა, უკრაინის ხელისუფლებამ რომ სკანდალი ატეხოს ხუხაშვილის ყოველდღიურ ინტერვიუებზე.

არესტოვიჩი არის ერთი ნიჭიერი ექსპერტი, ამბობს ბევრ ჭკვიანურს და გაურევს აქა-იქ სისულელეებსაც, როგორ დღეს მაგალითად, თავის თავს უწოდებს პრეზიდენტის ადმინისტრაციის შტატგარეშე სპეციალისტს, სინამდვილეში აღმოჩნდა თვითმარქვიაა, რადგან არ იძებნება შტატგარეშეთა ოფიციალურ სიაში. ეს გაირკვა მაშინ, როცა მისი მორიგი ექსტრავაგანტური გამონათქვამი არ მოეწონა უკრაინის თავდაცვის სამინისტროს და მკაცრად გააკრიტიკა იგი.

ასეთი სკანდალიც იყო, როცა აზოვის პოლკის რამდენიმე მებრძოლი მოკვლითაც კი დაემუქრა მას მცდარი ინფორმაციის გავრცელებისათვის.

სასაცილოა ჩვენი ხელისუფლების ასეთი არაადეკვატური რეაგირება ფილოსოფოს-პროპაგანდისტის გამონათქვამებზე“, - წერს რომან გოცირიძე „ფეისბუქზე“.

შეგახსენებთ, იუთუბ-არხზე გამართულ დისკუსიაში ჟურ­ნა­ლის­ტის კითხვაზე, რომ სა­ქარ­თვე­ლო­ში 300 ათა­სი რუსი იმ­ყო­ფე­ბა და 300 ათა­სი რუსი 3 მი­ლი­ო­ნი ქარ­თვე­ლი­დან, ანუ 10%, ქარ­თვე­ლე­ბის­თვის დიდი პრობ­ლე­მაა, არეს­ტო­ვიჩ­მა უპა­სუ­ხა:

"ეს არის კა­ტას­ტრო­ფა, მი­თუ­მე­ტეს, პრო­რუ­სუ­ლი მთავ­რო­ბის გათ­ვა­ლის­წი­ნე­ბით, რო­მელ­საც არ აქვს უნა­რი, მი­ი­ღოს გა­და­წყვე­ტი­ლე­ბე­ბი და გა­ა­ნად­გუ­რა ყვე­ლა­ფე­რი, რაც შექ­მნა სა­ა­კაშ­ვილ­მა, სა­დაც კო­რუმ­პი­რე­ბუ­ლი პო­ლი­ცია, სა­დაც ყვე­ლა­ფე­რი იყი­დე­ბა, რო­გორც თა­ვად ქარ­თვე­ლე­ბი ამ­ბო­ბენ და ა.შ. ეს, რა თქმა უნდა, ეროვ­ნუ­ლი უსაფრ­თხო­ე­ბის­თვის დიდი პრობ­ლე­მაა. ჩვენ მო­ვახ­დენთ იქ ძა­ლის პრო­ე­ცი­რე­ბას, მოგ­ვი­წევს ქარ­თვე­ლე­ბის გა­დარ­ჩე­ნა, მოლ­დო­ვის გა­დარ­ჩე­ნა, სომ­ხე­თის გა­დარ­ჩე­ნა, ყვე­ლას გა­დარ­ჩე­ნა. ეს კარ­გი ის­ტო­რი­აა, რად­გან მი­ლი­ო­ნი ჩვე­ნი ნა­ო­მა­რი ბი­ჭი­სა და გო­გოს­თვის ყო­ველ­თვის მო­ი­ძებ­ნე­ბა სა­მუ­შაო უახ­ლო­ეს მო­მა­ვალ­ში პოსტსაბ­ჭო­თა სივ­რცე­ში. მშვი­დო­ბის­მყო­ფე­ლე­ბი, სტა­ბი­ლი­ზა­ცი­უ­რი ოპე­რა­ცი­ე­ბი, ჰუ­მა­ნი­ტა­რუ­ლი ოპე­რა­ცი­ე­ბი და ა.შ.“, - გა­ნა­ცხა­და არეს­ტო­ვიჩ­მა.