ეკა ხერხეულიე: ბარბარე რაფალიანცის ტრაგედია - ზუსტად 2 წუთში, როცა ჯერ ბავშვი არ იყო გარდაცვლილი, გააკეთეთ პოლიტიკური განცხადება და დაზაფრეთ საზოგადოება
„არ მესმის დარბაზის პათოსი, როდესაც ჩვენზე ხელის გაშვერით მორალზე გვესაუბრებიან ადამიანები, რომელთა კარიერაც და პოლიტიკური ცხოვრებაც სწორედ ამ ხაზზე გადის. ვგულისხმობ ადამიანური ტრაგედიების საკუთარი პოლიტიკური ქულებისთვის გამოყენებას და ეს ხაზი გასდევს მათ მთელ კარიერას. მინდა გაგახსენოთ თქვენი უკანასკნელი საარჩევნო კამპანიაც, როცა სისხლიანი ბანერები გადმოკიდეთ“, - მიმართა "ქართულ ოცნებას" ეკა ხერხეულიძემ.
მისი თქმით, ქართულმა ოცნებამ 10 წლის მანძილზე ზიზღსა და სიძულვილში აცხოვრა ხალხი.
„ეს არის მუდმივი შიშის დანერგვა და თესვა ხალხში, რომ ჩვენი პოლიტიკური კლასის წარმომადგენლები არიან იმ დანაშაულის ჩამდენები, რომელზეც არასდროს დაგიდგენიათ ჭეშმარიტება და სიმართლე. ამისთვის საკმარისია ბარბარე რაფალიანცის ტრაგედია, როდესაც ზუსტად 2 წუთში, როცა ჯერ ბავშვი არ იყო გარდაცვლილი, გააკეთეთ პოლიტიკური განცხადება, დაზაფრეთ საზოგადოება და ხელი გაიშვირეთ კონკრეტული პოლიტიკური პარტიისკენ გაიშვირეთ ხელი და თქვით, რომ ისინი არიან მკვლელები. მერე რა? გამოხდა ხანი, ათი წელი გავიდა და ათი წლის განმავლობაში ამ ზიზღში და ბოღმაში აცხოვრეთ საზოგადოება და დღეს დეპუტატი დავითულიანი ამბობს, მადლობა მას, რადგან პირველი ადამიანია, ვინც ამბობს, რომ ეს ასე არ იყო და არ იყო სწორიის, რაც გაკეთდა მაშინ იმ განცხადების სახით, მაგრამ ამან მოიტანა თავისი მძიმე შედეგები“, - მიმართა ეკატერინე ხერხეულიძემ საპარლამენტო უმრავლესობას.
