საქართველო
"კალაძის მაგივრად გადადგა" - ვისზე საუბრობს ირაკლი ოქრუაშვილი
2022, 15 ოქტომბერი, 18:31
თავდაცვის ყოფილი მინისტრი, ირაკლი ოქრუაშვილი სამხრეთ ოსეთის ადმინისტრაციის უფროსის, დიმიტრი სანაკოევის თანამდებობიდან გადადგომას სოციალურ ქსელში შემდეგი შინაარსის სტატუსით ეხმაურება და წერს:
"კალაძის მაგივრად დიმიტრი სანაკოევი გადადგა. არ მკითხოთ ვინ არის." - ვკითხულობთ ირაკლი ოქრუაშვილის პოსტში.
შეგახსენებთ, რომ საქართველოს კონტროლირებად ტერიტორიაზე არსებულმა სამხრეთ ოსეთის ადმინისტრაციის ხელმძღვანელმა დიმიტრი სანაკოევმა, რომელიც პოსტს 2006 წლიდან იკავებდა, თანამდებობის დატოვების შესახებ განცხადება 11 ოქტომბერს დაწერა. სანაკოევის თქმით, პოსტის დატოვების გადაწყვეტილება მან თავად მიიღო. ჯერჯერობით, უცნობია ვინ შეცვლის მას სამხრეთ ოსეთის ადმინისტრაციის ხელმძღვანელის პოსტზე.
