ცოტა ხნის წინ სოციალური ქსელ "ფეისბუქის" ერთ-ერთმა მომხმარებელმა კახეთის რეგიონში მომხდარი ამბის ერთი ძალიან სახალისო პოსტი გამოაქვეყნა, რომელსაც უცვლელად გთავაზობთ:

.

“კახეთის ტრასებზე დგას დიდი კაკლები.. ყველას დაგვინახია ხეები. ამ სეზონზე ადამიანთა ჯგუფები დადიან და გზის კაკალს აგროვებენ. ამჯერადაც შუა ასაკის ცოლ-ქმარმა გააჩერა მანქანა. ქმარი კაკალზე ავიდა და ბერტყვა დაიწყო (ძირს დატოვა ფეხსაცმელები და მობილური), მისი ცოლი ძირს ჩამოყრილ კაკალს აგროვებდა.

.

რაღაც მომენტიდან ხალხას ტყაპუნი გაჩერდა და კაკალის ცვენაც შეწყდა.

ეძახა ცოლმა ქვევიდან, ეძება, შემოურა კაკალს და კაცი გაქრა! დარეკა პატრულში. იმათაც ბევრი ეძებეს. ხან ცოლს ეკითხებოდნენ, იქნებ ჩამოვიდა, ბუჩქებში შევიდა მოსაფსმელად და ვერ დაინახეო. გადაირია ქალი, რას ამბობთ, როგორ შეიძლება, კაცი ხიდან გაქრეს, ხომ არ გაფრინდებოდაო?!

.

ეს სასწაული თითქმის ორი საათი გაგრძელდა. ცოლს სასწრაფოც დასჭირდა, სხვა პატრულების ეკიპაჟებიც მოვიდნენ.

.

თურმე თურქულ დიდ ტრაილერს გამოუვლია, (ბრეზენტი რომ აქვს გადაჭიმული და მოზრდილი სახლების ხელა როა) მისი მაღალი ტენტი წამოსდებია კაკლის ტოტს, კაცი ჩამოვარდნილა კაკლიდან, ბრეზენტზე დაცემულა.

,

მანქანის მძღოლი რას გაიგონებდა?! გაუქანებია თელავში და სანამ არ გაჩერებულა, ვერაფერიც ვერ გაიგო. ბოლოს რომ გაჩერდა ტრაილერი, ფეხშველი კაცი ჩამოიყვანეს, მობილური ათხოვეს და პირველ რიგში გულწასული ცოლისთვის დაურეკავს, თელავში ვარო…გადარეულან პატრულებიც და სასწრაფოს ექიმიც, ახლა იმას ვერ მიმხვდარან, ვერც ცოლი, იქ როგორ მოხვდაო". .

.

* * *

„მთავარი არხი“ ვანო ჯავახიშვილს ილო ბეროშვილით ჩაანაცვლებს

.

ვანო ჯავახიშვილის გუნდსა და „მთავარი არხის“ მენეჯმენტს შორის დაპირისპირება გრძელდება. ისინი საჯარო განცხადებებით ეპასუხებიან ერთმანეთს და მიაჩნიათ, რომ მეორე მხარემ უკადრებელი იკადრა. მთავარმა არხმა გავრცელებულ საპასუხო განცხადებაში დაწერა, რომ ჯავახიშვილის შემცვლელი უკვე ნაპოვნია და იგივე დროს, იგივე არხზე იუმორისტულ შოუს გაუძღვება. მათ არ დაუკონკრეტებიათ, ვინ იქნებოდა ვანოს შემცვლელი, თუმცა, ამჯერად უკვე ვრცელდება, რომ „მთავარი არხი“ ვანო ჯავახიშვილს ილო ბეროშვილით ჩაანაცვლებს. ამ ინფორმაციას კულუარებში უკვე ადასტურებენ. რა სახელწოდება ექნება იუმორისტულ შოუს ჯერ უცნობია და ტელეკომპანია დეტალებს არ აკონკრეტებს, თუმცა ხაზგასმით ითქვა, რომ არხს სურს ნაკლები პოლიტიკური იუმორი იყოს მასში წარმოდგენილი. ილო ბეროშვილს ამ ფორმატის იუმორისტული გადაცემა რამდენიმე წლის განმავლობაში ტელეკომპანია „იმედის“ ეთერში უკვე მიჰყავდა.

.

სულ რამდენიმე დღეში მთავარი არხიცა და ტვ პირველიც პარასკევობით 22 საათზე იუმორისტული გადაცემის ახალ სეზონს დაიწყებს და ორივე არხის დეტალები გაირკვევა.

.

ნიკა გვარამია ამ დაპირისპირებაში ცხადია თავისსავე არხს მიემხრო და ციხიდან გავრცელებული განცხადებით მხარი მთავარი არხის გუნდს დაუჭირა, მაყურებელს კი მოუწოდა, ახალ გადაცემას დაელოდონ იგივე დღეს და ახალ წამყვანს უგულშემატკივრონ. ამით მან ირიბად გააკრიტიკა ვანოს გუნდი და არაფერი უთქვამს მათ საქებრად. თამუნა ლეკვეიშვილმაც დაწერა, რომ სამწუხაროა მისი კოლეგების რეაქციები.

.

ნაციონალური მოძრაობის ლიდერმა ნიკა მელიამ კი გაავრცელა განცხადება და აღნიშნა, რომ ვანოს შოუს გუნდის გვერდით გაწევა უსამართლობაა და მათი წვლილი არ უნდა დაივიწყონ.

.

ნოდარ მელაძემ დაწერა, რომ თუ მთავარი არხის რეიტინგს ვანოს შოუს იუმორისტული გუნდი აშენებდა, „ეტყობა ამ დროს ჩვენ მატყლს ვჩეჩავდით“-ო. ინგა გრიგოლიამაც დაწერა, რომ ვანოს შოუს ეთერის გარეშე დატოვება წარმოუდგენელი იქნებოდა, ამდენად მთავარ არხს არ უნდა გაკვირვებოდა, რომ თავის გადასარჩენად გუნდმა ეს გადაწყვეტილება მიიღო.

.

თავად ვანო ჯავახიშვილი ამბობს, რომ თუ მთავარზე დარჩებოდა, იქ მხოლოდ ვანოს შოუ შენოარჩუნდებოდა, სხვა გადაცემები და გუნდის დანარჩენი წევრები კი უსამსახუროდ დარჩებოდნენ. ამდენად, მათი გადაწყვეტილებით, არჩიეს ტვ პირველის შემოთავაზება მიეღოთ და სრული გუნდი ერთიანობის შესანარჩუნებლად ტვ პირველზე გადასულიყო.

.

* * *

„სული დამეწვა, საცოდაობაა... გერმანიაში ვარ და მინდა მოგიყვეთ“

.

საზოგადოებრივი მაუწყებლის ოპერატორი, დიმიტრი ცინცაძის სახელოდის ფონდის ხელმძღანელი კახა ჯანაშვილი სოციალურ ქსელში გერმანიასა და საქართველოს შორის პარალელს ავლებს და საინტერესო მინიშნებებს აკეთებს. ის წერს, რომ წამალი, რაც გერმანიაში 100 ევროდ იყიდება, საქართველოში 400 ევრო ღირს და ონკოპაციენტებისთვის არც კი ფინანსდება.

.

,

* * *

დედოფლისწყაროში 5 წლის ბიჭი ავტომანქანას შეუვარდა და ადგილზე დაიღუპა

უბედური შემთხვევა მოხდა დედოფლისწყაროში. სტუმრად მყოფი 5 წლის ბავშვი ავტოსაგზაო შემთხვევას ემსხვერპლა. სოფელ ზემო ქედში ბიჭი ორღობიდან ცენტრალურ გზაზე ე.წ. სკუტერით მიგორავდა, რა დროსაც სავალ ნაწილზე გადავიდა. მაგისტრალზე მიმავალმა მძღოლმა შეჩერება სცადა, თუმცა მოზარდს დაეჯახა.

თვითმხილველების განმარტებით, მძღოლმა ბავშვი სასწრაფო დახმარების შენობაში თავადვე გადაიყვანა, თუმცა მედიკოსებმა მისი გადარჩენა ვერ შეძლეს.

სოფელ ზემო ქედში დედოფლისწყაროს ტელევიზიასთან ამბობენ, რომ ოჯახი ლანჩუთიდან, ზემო ქედში გარდაცვლილი ბიძის სუფრაზე დასასწრებად ჩავიდა, რა დროსაც უბედური შემთხვევა მოხდა.

დედოფლისწყაროს საავადმყოფოს ხელმძღვანელი ხათუნა აგლაძე ამბობს, რომ დაშავებული ბიჭის სიკვდილი სასწრაფოს ექიმებმა ადგილზე დააფიქსირეს და მისი დედოფლისწყაროში, კლინიკაში გადაყვანა აღარ მომხდარა.

შინაგან საქმეთა სამინისტროს პრესსამსახურში დედოფლისწყაროს ტელევიზიას უთხრეს, რომ გამოძიება სისხლის სამართლის 276-ე მუხლის მეექვსე ნაწილით დაიწყო.

ადგილობრივები ყვებიან, რომ ავტომანქანის მძღოლი ნასვამი არ ყოფილა და მას მარტოხელა ბებიასთან საკვები მიჰქონდა.

.

* * *

დაკავება დედოფლისწყაროში - ზემო ქედში მამაკაცის დაჭრის ფაქტზე ერთი პირი დააკავეს