29 აგვისტოს დაიბადა და 29 აგვისტოს მოკვდა - 10 საინტერსო ფაქტი ინგრიდ ბერგმანის შესახებ

კინო

2022, 29 აგვისტო, 12:15

40 წლის წინ, 1982 წლის 29 აგვისტოს 67 წლის ასაკში ლონდონში გარდაიცვალა შვედი მსახიობი ინგრიდ ბერგმანი, ამერიკის კინოხელოვნების ინსტიტუტის რეიტინგის -" 100 საუკეთესო კინოვარსკვლავი 100 წლის განმავლობაში" მიხედვით მას მე-4 ადგილი უკავია. ინგრიდ ბერგმანი იყო სამგზის "ოსკარის" და "დავით დი დონატელოს", ოთხგზის "ოქროს გლობუსის" და ორგზის "ემის" მფლობელი.დღეს გთავაზობთ 10 საინტერსო ფაქტს ლეგენდარული შვედი მსახიობის ცხოვრებიდან და შემოქმედებიდან.

1)ინგრიდის დედა, ფრიდელი, გარდაიცვალა, როდესაც გოგონა სამი წლის იყო, როდესაც გოგონა 13 წლის იყი მამა იუსტუსი კუჭის კიბოთი გარდაიცვალა, ხოლო ექვსი თვის შემდეგ დეიდა ელენემ, რომელიც დედის გარდაცვალების შემდეგ მასთან და მამასთან ერთად ცხოვრობდა, მის მკლავებში დალია სული.

2) ინგრიდი დიდხანს ყოყმანობდა, დათანხმებოდა თუ თუ არა როლს „კასაბლანკაში“, რადგან ის საკმარისად სიღრმისეული არ ჩანდა.ამასთანავე სცენარი გადაღების დასაწყისში მხოლოდ ნახევარი იყო დაწერილი. როგორც მოგვიანებით მსახიობმა აღიარა, გადამღები ჯგუფიდან არცერთს არ ჰქონდა იმის წარმოდგენა, რომ ისინი იღებდნენ საკულტო კინოკლასიკას.

3) ინგრიდ ბერგმანი და რეჟისორი ინგმარ ბერგმანი, რომლის ფილმშიდაც „შემოდგომის სონატა“ ითამაშა მსახიობმა, არა ნათესავები, არამედ უბრალოდ მოგვარეები იყვნენ.

4)რობერტო როსელინიმ ქორწინების პერიოდში აუკრძალა ინგრიდს სხვა რეჟისორებთან თამაში, ამიტომ მას უარის თქმა მოუწია ისეთ ოსტატებზე, როგორებიც არიან ფელინი და ვისკონტი.მთლიანად ინგრიდი სამჯერ იყო გათხოვილი.

5)ერთხელ ერნესტ ჰემინგუეიმ თქვა, რომ მისი რომანის მთავარი გმირის, "ვისთვისაც რეკავს ზარი"(1940), აღწერისას მას წარმოდგენილი ჰყავდა ინგრიდ ბერგმანი. სამი წლის შემდეგ, სწორედ მან ითამაშა ნაწარმოების ეკრანიზაციაში.

6)მიუხედავად იმისა, რომ მსახიობი ძირითადად ამერიკულ ფილმებში თამაშობდა, ბერგმანი თავისუფლად ფლობდა ხუთ ენას: იტალიურს, გერმანულს, ფრანგულს, ინგლისურს და თავისთავად შვედურს.

7) იგრიდ ბერგმანის საპატივცემლოდ, ვარდის ერთ-ერთ ჯიშს მისი სახელი დაარქვეს.

8)თავის კარიერის განმავლობაში ბერგმანი შვიდჯერ იყო ნომინირებული "ოსკარზე" და სამჯერ მოიგო, კურიოზია ის ფაქტი, რომ მის ყველაზე ცნობილი ილზა ლენდის როლისთვის "კასაბლანკაში" ბერგმანს არც "ოსკარი" ერგო და არც " ოქროს გლობუსი."

9)ინგრიდ ბერგმანი გარდაიცვალა ლონდონში 1982 წლის 29 აგვისტოს 67 წლის ასაკში, საკუთარ დაბადების დღეს.მსახიობი ბოლო 9 წლის განმავლობაში მკერდის კიბოს ებრძოდა. მის ცხედარს კრემაცია გაუკეთეს, ხოლო ნეშტის ფერფლი მთელ შვედეთში მიმოფანტეს (მცირე ნაწილი ინახება სტოკჰოლმში, Norra Begränningsplatsen-ის სასაფლაოზე).