გერმანიის ქალაქი ჰანოვერი გახდა პირველი დიდი ქალაქი, რომელმაც აკრძალა ცხელი წყალი და ცენტრალური გათბობა საზოგადოებრივ შენობებში, ვლადიმერ პუტინის მიერ მიწოდებული შეზღუდული გაზის საპასუხოდ, წერს Daily mail-ი

გადამწყვეტი ნაბიჯი მაშინ გადადგეს, როდესაც გერმანელებს უთხრეს, რომ უნდა ელოდონ ელექტროენერგიის მაღალ გადასახადს და გაზის ნორმირებულ მოხმარებას.რომელიც გავლენას მოახდენს მათ ყოველდღიურ ცხოვრებაზე.

ჰანოვერი, ქვემო საქსონიის დედაქალაქი ქვეყნის ჩრდილო-დასავლეთში, გამორთავს ცხელ წყალს საზოგადოებრივ შენობებში, საცურაო აუზებში და სპორტულ დარბაზებში.

გაზის დაზოგვის სხვა უკიდურესი ზომები მოიცავს საზოგადოებრივი შადრევნების დახურვას და ღამის განათების გამორთვას მთავარ შენობებზე, როგორიცაა მერია და მუზეუმები. ქალაქის მერმა ბელიტ ონაიმ ისაუბრა "გაზის გარდაუვალ დეფიციტზე", რაც იმას ნიშნავდა, რომ მათ უნდა შეამცირონ ქალაქის ენერგიის მოხმარება 15 პროცენტით.

პანიკა ევროპულ ქვეყნებს შორის, განსაკუთრებით გერმანიაში, სავარაუდოდ პუტინის ყურისთვის სასიამოვნო ჰანგებია, რადგან ითვლება, რომ ის იყენებს ენერგეტიკულ მარაგს, როგორც შურისძიების იარაღს იმ ქვეყნებზე, რომლებმაც უკრაინას მხარი დაუჭირეს.

გეგმა ითვალისწინებს საჯარო შენობებში გათბობის გამორთვას ყოველი წლის აპრილიდან სექტემბრამდე, ხოლო თერმოსტატები დანარჩენი წლის განმავლობაში დაყენებული იქნება მხოლოდ 20 °C-ზე (68 °F) თუმცა იქნება გარკვეული გამონაკლისები.

ასევე აკრძალული იქნება პორტატული კონდიციონერების, გამათბობლებისა და რადიატორების მოხმარება მოსახლეობაში.

გერმანია, ისევე როგორც ევროპის უმეტესი ნაწილი, განცხრომაშია ცხელი ზაფხულის დღეებით, რამაც უნდა შეარბილოს ცივი სეზონის დარტყმა, მაგრამ მთავრობის წარმომადგენლები ახლავე იღებენ ზომებს, რადგან იციან, თუ რა ელით მათ სეზონის დასრულების შემდეგ.

გაზპრომმა .რუსულმა სახელმწიფო ენერგეტიკულმა გიგანტმა, ბოლო პერიოდში ევროპელ ლიდერებს მოსვენება დაუკარგა, რადგან Nord Stream 1-ის მილსადენზე გაზის მიწოდება საგრძნობლად შეფერხებულია. მათ ივნისში 40 პროცენტამდე შეამცირეს ნაკადი, ტექნიკური პრობლემების მოტივით, ამ კვირაში კი მილსადენში გაზის ნაკადი 20 პროცენტამდე შემცირდა.

ევროკავშირის ენერგეტიკის ხელმძღვანელმა კადრი სიმსონმა გაზპრომის ამ საქციელს "პოლიტიკურად მოტივირებული" უწოდა, რადგან რიგი ქვეყნები იძლებულები გახდნენ გაეზარდათ ელექტროენერგიის გადასახადები, ასევე მთავრობები იბრძვიან გაზის საცავების შევსებაზე, მძიმე ინდუსტრიული საწარმოები კი კითხვას სვამენ, შეძლებენ ქარხნები მუშაობას?

შეგახსენებთ, რომ გერმანია ევროკავშირის ქვეყნებიდან რუსული გაზის ყველაზე დიდი მომხმარებელი იყო.