დღეს 8 ივლისს დაბადებიდან 40 წელი შეუსრულდა ქართველ სექს-სიმბოლოს, მსახიობს, მოდელს და ტელეწამყვანს შორენა ბეგაშვილს.

შორენა დაიბადა და გაიზარდა რუსთავში, საშუალო განათლების მიღების შემდეგ დაამთავრა შოთა რუსთაველის თეატრისა და კინოს უნივერსიტეტი. მუშაობდა ვაკის თეატრალურ სარდაფში, რუსთაველის თეატრალურ სარდაფში, თეატრ „გლობუსში“.

შორენას კარიერა იწყება 2008 წლიდან, როდესაც ის გაშიშვლდა ქართულენოვანი „ფლეიბოისთვის“. ამის შემდეგ ბეგაშვილი თამაშობდა ძირითადად კომედიური და კომედიურ- ეროტიკული ხასიათის ფილმებში."ყველაფერი კარგად იქნება“(2009) „ოცნების ქალაქი“(2010) „უშენოდ მგონი მოვკვდები“ (2010) „მაიტა ნასოსი“ (2011) „მამაჩემის გერლფრენდი“ (2011) „ჭამა და სექსი“(2012) „პოკერი სიყვარულის წესებით“(2012) და სხვა.

ამის გარდა შორენა ბეგაშვილს ჰქონდა 2009–2010 წლებში ჰქონდა საავტორო ეროტიკული ხასიათის გადაცემა „ღამე შორენასთან“ (იმედი TV). გადაცემას ბევრი კრიტიკა მოჰყვა, როგორც საზოგადოების მხრიდან, ასევე სასულიერო პირებისაგან.

„რუსთავი 2“-ის ეთერში ვანიკო თარხნიშვილთან ერთად მიჰყავდა გადაცემა „იღბლიანი ბორბალი“, რომელიც დაიხურა 2017 წელს.შემდეგ იყო ისევ "რუსთავი-2"-ზე „შორენას ეფექტი“, რომელიც ასევე, 2021 წელს დაიხურა.

შორენა ბეგაშვილს რამდენიმე სკანდალური რომანი ჰქონდა, მათ შორის საქართველოს სამეფო ტახტის მემკვიდრესთან დავით მუხრანელთან.ამის გარდა დაქორწინებული იყო ბიზნესმენ ირაკლი ნანაძესთან, თუმცა 8 წლიანი ურთიერთობის შემდეგ დაშორდა, შემდეგ იყო ურთიერთობა კანონიერ ქურდთან ლაშა ბარათელთან, რომელთან ურთიერთობაც მალე დასრულდა. შარშან შემოდგომაზე შორენამ სოციალურ ქსელში აღნიშნა, რომ ისევ მარტოა.

შორენას პირველი ქმრისგან ჰყავს ერთი ზრდასრული ქალიშვილი ევა ბარბაქაძე, გოგონა 2016 წლის 26 მარტს საკუთარი სახლის მეხუთე სართულის ფანჯრიდან გადმოვარდა და სასწაულებრივად გადაურჩა სიკვდილს. გოგონას ხანგრძლივი მკურნალობა და რეაბილიტაცია დასჭირდა, როგორც საქართველოში, ასევე უცხოეთში, გოგონა დღეს უკვე კარგად გრძნობს თავს.