ცოტა გვიან ვწერ ამ სტატიას, მაგრამ დაბლოკილი ვიყავი. როგორც იცით გლდანის ციხეში პატმრებს სასტიკად ეპყრობიან და წამებითაც კი კლავენ, ეს ყველაფერი ქართველმა ხალხმა გვიან შეიტყო, მაგრამ პატიმებს სოლიდარობას უცხადებენ და აქციებს მართავენ.
გარდაცვლილის გვამს გარეგანი დათვალიერებით აშკარად ეტყობა მძიმე ფიზიკური ზემოქმედების კვალი. გადატყავებული აქვს იდაყვები და სხეულზე მრავლობითი სისხლჩაქცევები აღენიშნება. დაზიანებები აქვს ზედა და ქვედა კიდურებზე, ზურგზე, კუდუსუნის მიდამოებში, ნეკნებსა და სხვა ადგილებში.

–“სასტიკადაა ნაწამები. წიხლებითაა ნაცემი. ჩემი ქმარი ვერ ვიცანი, ისე იყო დასივებული... ვერ ვიცანი, როცა გვამი გადმომცეს. ვამბობდი, რომ ეს ჩემი მეუღლე არაა–მეთქი. სანამ არ დამიდასტურეს, რომ ეს ჩემი მეუღლეა არ მჯეროდა, ისე დავიბენი. საპატიმროს წარმომადგენლებმა მითხრეს, რომ გულით გარდაიცვალა, მაგრამ ეს გამორიცხულია, რადგანაც ჯანმრთელი ადამიანი იყო, ” – აცხადებს გარდაცვლილის მეუღლე ქეთინო ბერიძე.

დელიანიძე სასჯელს მარიხუანას შენახვისთვის იხდიდა, რის გამოც 6-წლიანი თავისუფლების აღკვეთა ჰქონდა მისჯილი.

-“ჩემი მეუღლე უფრო ადრეა გარდაცვლილი. გვამი საშინელ დღეშია, შეიძლება ითქვას, რომ გახრწნა დაწყებულია აქვს. ვვარაუდობთ, რომ მინიმუმ ერთი კვირის გარდაცვლილი მაინც იქნება და ამის შესახებ საპყრობილის ადმინისტრაციამ დამალა.” – აცხადებს ბერიძე.

ამ ფაქტთან დაკავშირებით დელიანიძეების ოჯახი გაჩუმებას არ აპირებს და დამოუკიდებელ ექსპერტიზას ითხოვს. ოჯახმა ფაქტზე რეაგირებისთვის სახალხო დამცველს უკვე მიმართა.